យោងតាមការអះអាងរបស់លោក Lin Jian គឺជាអ្នកនាំពាក្យក្រសួងការបរទេសចិន បានឲ្យដឹងនៅថ្ងៃសុក្រនេះថា ចិននឹងតាមដានដោយយកចិត្តទុកដាក់ការវាយប្រហាររបស់អ៊ីស្រាអែលលើអ៊ីរ៉ង់ ហើយនិងសូមធ្វើការអំពាវនាវឲ្យភាគីពាក់ព័ន្ធទាំងអស់ត្រូវធ្វើអ្វីតាមវិធីអនុគ្រោះដល់សន្តិភាព និងស្ថិរភាពក្នុងតំបន់ ។

លោក Lin និយាយប្រាប់សន្និសីទសារព័ត៌មានថា ចិនមានការព្រួយបារម្ភជាខ្លាំងចំពោះផលវិលបាកធ្ងន់ធ្ងរបង្កឡើងដោយសារសកម្មភាពពាក់ព័ន្ធទាំងនេះ ហើយសូមធ្វើការជំរុញឲ្យភាគីពាក់ព័ន្ធទាំងអស់ ចៀសវាងការឡើងកម្តៅភាពតានតឹងបន្ថែមទៀត ។

លោកបន្តថា ចិនសូមធ្វើការជំទាស់ចំពោះការបំពានអធិបតេយ្យភាព សន្តិសុខ និងបូរណភាពទឹកដីអ៊ីរ៉ង់ ហើយនិងជំទាស់ការកើនឡើងភាពផ្ទុយគ្នា និងការកើនឡើងជម្លោះ ។

លោក Liនិយាយទៀតថា ចិនត្រៀមខ្លួនរួចរាល់ក្នុងការដើរតួលក្ខណៈស្ថាបនា ក្នុងការជួយបន្ធូរបន្ថយស្ថានភាព ហើយការកើនឡើងកម្តៅនៃស្ថានភាពក្នុងតំបន់មិនមែនជាផលប្រយោជន៍របស់ភាគីណាមួយនោះឡើយ ។ ចិនសូមធ្វើការអំពាវនាវដល់ភាគីពាក់ព័ន្ធទាំងអស់ ត្រូវធ្វើរឿងបន្ថែមទៀតដែលលើកកម្ពស់សន្តិភាព និងស្ថិរភាពក្នុងតំបន់ ៕