យុទ្ធនាការអន្តរជាតិ ដើម្បីលុបបំបាត់អាវុធនុយក្លេអ៊ែរ (ICAN) បាននិយាយនៅពីថ្ងៃសុក្រនេះថា រដ្ឋដែលមានអាវុធនុយក្លេអ៊ែរ បានចំណាយប្រាក់ជាង ១០០ពាន់លានដុល្លារ ទៅលើឃ្លាំងអាវុធបរមាណូរបស់ពួកគេ កាលពីឆ្នាំមុន ដោយសោកស្ដាយចំពោះកង្វះការត្រួតពិនិត្យឲ្យបានស្នើភាពគ្នានៃការចំណាយបែបនេះ។

យុទ្ធនាការអន្តរជាតិ ដើម្បីលុបបំបាត់អាវុធនុយក្លេអ៊ែរ (ICAN) បានបញ្ជាក់ថា ចក្រភពអង់គ្លេស ចិន បារាំង ឥណ្ឌា អ៊ីស្រាអែល កូរ៉េខាងជើង ប៉ាគីស្ថាន រុស្សី និងសហរដ្ឋអាមេរិក រួមគ្នាចំណាយប្រាក់ជិត ១០ ពាន់លានដុល្លារ ច្រើនជាងនៅឆ្នាំ ២០២៣ ។

ICAN បាននិយាយនៅក្នុងរបាយការណ៍ប្រចាំឆ្នាំរបស់ខ្លួនថា សហរដ្ឋអាមេរិក បានចំណាយប្រាក់ចំនួន៥៦,៨ ពាន់លានដុល្លារ ក្នុងឆ្នាំ ២០២៤ បន្ទាប់មកប្រទេសចិនចំនួន ១២,៥ ពាន់លានដុល្លារ និងចក្រភពអង់គ្លេសចំនួនចំណាយ ១០,៤ពាន់លានដុល្លារ។

ICAN ដែលមានមូលដ្ឋាននៅទីក្រុងហ្សឺណែវ បានឈ្នះរង្វាន់ណូបែលសន្តិភាពឆ្នាំ ២០១៧ សម្រាប់តួនាទីសំខាន់របស់ខ្លួន ក្នុងការព្រាងសន្ធិសញ្ញាស្តីពីការហាមឃាត់អាវុធនុយក្លេអ៊ែរ ដែលបានចូលជាធរមាននៅឆ្នាំ ២០២១។