យោងតាមការអះអាងរបស់ក្រុមគ្រូពេទ្យបឋម និងសារព័ត៌មានក្នុងស្រុក បានឲ្យដឹងថា អ៊ីរ៉ង់ បានវាយប្រហារមីស៊ីលលើគោលដៅជាច្រើន នៅទូទាំងអ៊ីស្រាអែល រួមទាំងទីក្រុង Haifa និងទីក្រុង Tel Aviv ដោយបានសម្លាប់មនុស្សយ៉ាងហោច ៨នាក់ និងមុស្សជាង ១៤០នាក់ផ្សេងទៀត រងរបួស ។

ការវាយប្រហារនេះ បានកើតមានឡើង ក្រោយអ៊ីស្រាអែលទម្លាក់គ្រាប់បែកលើហេដ្ឋារចនាសម្ព័ន្ធថាមពល និងស៊ីវិលនៅទូទាំងប្រទេសអ៊ីរ៉ង់ បង្កឲ្យអគ្គិភ័យឆាបឆេះឃ្លាំងស្តុកប្រេង Shahran ស្ថិតក្នុងទីក្រុងតេអេរ៉ង់ផងដែរ ។

យោធាអ៊ីស្រាអែល និយាយថា ពួកគេបានវាយប្រហារគោលដៅជាច្រើនពាក់ព័ន្ធនឹងគម្រោងអាវុធនុយក្លេអ៊ែររបស់របបអ៊ីរ៉ង់ ។

រលកនៃការវាយប្រហាររបស់អ៊ីរ៉ង់ បានចាប់ផ្តើមភ្លាមៗក្រោយម៉ោង ១១យប់ថ្ងៃសៅរ៍ ហើយនិងបន្តពេញមួយយប់ រហូតដល់ព្រឹកថ្ងៃអាទិត្យ 

សេវាកម្មរថយន្តគិលានសង្រ្គោះអ៊ីស្រាអែល និយាយថា មនុស្សយ៉ាងហោច ៨នាក់ ត្រូវបានសម្លាប់ នៅទូទាំងប្រទេស និងមនុស្សជាង ១៤០នាក់ បានរងរបួស អំឡុងការវាយប្រហារជាច្រើនរបស់អ៊ីរ៉ង់ ៕