ហ្វីលីពីន៖ អ្នកសម្របសម្រួលប្រជាជន និងជាអ្នកសម្របសម្រួលជំនួយមនុស្សធម៌អង្គការសហប្រជាជាតិ ក្នុងប្រទេសហ្វីលីពីនលោក Gustavo Gonzalez និយាយថា អង្គការសហប្រជាជាតិនឹងចាប់ផ្តើមយុទ្ធនាការប្រមូលជំនួយថវិកាចំនួន ៦.៥លានដុល្លារសម្រាប់ជនរងគ្រោះដោយព្យុះទីហ្វុងរ៉ៃ ដែលបានវាយបក់បោកមកលើប្រទេសហ្វីលីពីនកាលពីសប្តាហ៍មុន។
លោក Gonzalez និយាយក្នុងសន្និសីទសារព័ត៌មានតាមប្រព័ន្ធអ៊ីនធឺណិតថា យើងនឹងចាប់ផ្ដើមក្នុងកម្រិតថ្នាក់តំបន់ជាមួយសហគមន៍អន្តរជាតិដែលតំណាងនៅក្នុងទីក្រុងម៉ានីល ជាការតំណាងនៃតម្រូវការមនុស្សធម៌ និងផែនការអាទិភាព។ ថវិកានឹងដាក់គោលដៅលើប្រជាជន ៥៣០,០០០នាក់នៅក្នុងតំបន់ដែលទទួលរងផលប៉ះពាល់ធ្ងន់ធ្ងរបំផុត ជាអ្នកដែលត្រូវការជំនួយខ្លាំងរួមមានទាំងផ្នែកសុខភាព និងទឹកស្អាត។ លោក Gonzalez និយាយថា បច្ចុប្បន្ននេះភាពប្រឈមគឺការប្រកាស និងសាមគ្គីភព ត្រូវប្រែក្លាយជាបន្ទាន់ទៅជាសកម្មភាពច្បាស់លាស់។ ព្យុះទីហ្វុងរ៉ៃបានបំផ្លាញតំបន់ជាច្រើនរបស់ប្រទេសហ្វីលីពីន កាលពីមួយសប្តាហ៍កន្លងទៅនេះបណ្តាលឲ្យមនុស្សយ៉ាងហោចណាស់ ៣៧៥នាក់ស្លាប់។ ព្យុះទីហ្វុងរ៉ៃបានបំផ្លាញលំនៅឋាន ផ្តួលរំលំដើមឈើ កាត់ផ្ដាច់ថាមពលអគ្គិសនីនៅទីក្រុងជាច្រើនទូទាំងប្រទេស ហើយប្រជាជនរាប់ពាន់នាក់ជម្លៀសខ្លួនទៅកាន់ទីសុវត្ថិភាព៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
