យោងតាមប្រព័ន្ធផ្សព្វផ្សាយរដ្ឋបានឱ្យដឹងថា យ៉ាងហោចណាស់មនុស្ស ៣នាក់ បានស្លាប់នៅថ្ងៃអាទិត្យ (១៥ មិថុនា) នេះ ដោយសារតែបំណាក់ដី បង្កឡើងដោយព្យុះទីហ្វុង វូទីប (Wutip) ដែលបានវាយប្រហារភាគខាងត្បូងប្រទេសចិន។ 

ព្រព័ន្ធផ្សព្វផ្សាយ CCTV News បានរាយការណ៍ថា ឧបទ្ទវហេតុនេះបានកើតឡើងនៅក្នុងតំបន់ស្វយ័ត Guangxi Zhuang របស់ចិន បន្ទាប់ពីព្យុះទីហ្វុង Wutip បានបោកបក់ពាសពេញតំបន់នេះ ហើយបាននាំមកនូវភ្លៀងធ្លាក់ខ្លាំង។

ព្យុះ Wutip ដែលជាព្យុះទីហ្វុងទីមួយក្នុងឆ្នាំនេះ បានបោកបក់ដល់ដីគោកកាលពីល្ងាចថ្ងៃសុក្រ នៅក្រុង Dongfang ក្នុងខេត្តកោះ ហៃណាន របស់ចិន។ ហើយនៅថ្ងៃសៅរ៍ ព្យុះបានបោកបក់ដល់ដីគោកជាលើកទីពីរនៅទីក្រុង Leizhou ខេត្តក្វាងតុង ដែលមានទីតាំងនៅភាគខាងជើងកោះហៃណាន នេះបើយោងតាមទីភ្នាក់ងារសារព័ត៌មាន Xinhua។

ទីស្នាក់ការកណ្តាលគ្រប់គ្រងគ្រោះទឹកជំនន់ និងគ្រោះរាំងស្ងួតរបស់ចិន បានព្រមានថា ព្យុះទីហ្វុង Wutip អាចបណា្តលឱ្យមានខ្យល់កន្រ្តាក់ និងភ្លៀងធ្លាក់ខ្លាំង ដែលបង្កើនហានិភ័យនៃគ្រោះមហន្តរាយបន្ថែមទៀត។ ក្រសួងគ្រប់គ្រងគ្រាអាសន្ន ក៏បានដាក់ពង្រាយក្រុមជួយសង្គ្រោះនៅក្នុងខេត្តភាគខាងត្បូងប្រទេសចិន ដើម្បីឆ្លើយតបទៅនឹងគ្រោះមហន្តរាយដែលអាចកើតមានជាថ្មី៕