ក្រុមអាជ្ញាធរនៅតំបន់កាស្មៀរប្រទេសឥណ្ឌា បានបើកតំបន់ទេសចរណ៍ឡើងវិញ ដើម្បីស្តាវីស័យគ្មានផ្សែងមួយនេះនៅតំបន់ដែលញំាញីដោយសារការបះបោរ រយៈពេលប៉ុន្មានខែប៉ុណ្ណោះ ក្រោយការវាយប្រហាររបស់ក្រុមជីវពលលើភ្ញៀវទេសចរ ។

កាលពីចុងខែមេសាកន្លងទៅ ក្រុមជីវពល បានវាយប្រហារភ្ញៀវទេសចរហិណ្ឌូដោយសួរឈ្មោះរបស់ពួកគេ មុនពេលបាញ់ប្រហារពួកគេនៅតំបន់ Pahalgam ដោយបានសម្លាប់មនុស្ស ២៦នាក់ ។

លោកអនុសេនីយ៍ឯក Manoj Sinha បានប្រកាសបើកឡើងវិញតំបន់ទេសចរណ៍សំខាន់ៗចំនួន ៨កន្លែង រួមទាំងតំបន់ជ្រលងភ្នំ Betaab Valley, Verinag និង Kokernag ។ ការសម្រេចចិត្តបែបនេះ ត្រូវបានស្វាគមន៍ដោយក្រុមអ្នកស្រុក និងភ្ញៀវទេសចរ ។

លោក Richa Jain គឺជាភ្ញៀវទេសចរមួយរូបនិយាយថា ការសម្រេចចិត្តរបស់រដ្ឋាភិបាលគឺជាការត្រឹមត្រូវ ពីព្រោះថាបើគ្មានវិស័យទេសចរណ៍ទេនោះ តើឲ្យប្រជាពលរដ្ឋរស់នៅដោយរបៀបណា ។

ស្ថិតនៅតំបន់ភ្នំហិម៉ាឡៃដែលមានទេសភាពដ៏ស្រស់ត្រកាល តំបន់កាស្មៀរ បានក្លាយជាតំបន់ទេសចរណ៍ដ៏ទាក់ទាញមួយរបស់ឥណ្ឌា ស្របពេលដែលអំពើហិង្សា បានស្ងប់ស្ងាត់ក្នុងរយៈពេលប៉ុន្មានឆ្នាំចុងក្រោយនេះ ៕