​ហ្វីលីពីន៖ ប្រធានាធិបតី​​ហ្វីលីពីន​បាន​និយាយ​ថា លោក​មានការ​ព្រួយបារម្ភ​ថា វីរុស​ប​ម្លែ​ងខ្លួន​ថ្មី Omicron អាច​ធ្វើ​ឲ្យ​ហិរញ្ញវត្ថុ​របស់ប្រទេស​នេះ​ខាតបង់​ថែមទៀត​។ លោក Rodrigo Duterte បាន​និយាយ​នៅ​ក្នុង​កិច្ចប្រជុំ​តាម​ទូរទស្សន៍ជាមួយ​មន្ត្រី​គណៈរដ្ឋមន្ត្រី​ថា មូលនិធិ​បន្ថែម​គឺ​ចាំបាច់​ជាបន្ទាន់​ដើម្បី​ដោះស្រាយ​ការបំផ្លាញ​ដ៏​ធំ​នៃ​ព្យុះ​ទី​ហ្វុ​ង​រ៉ៃ​។

នៅ​ក្នុង​ប្រទេស​ហ្វីលីពីន ជា​ប្រទេស​រងគ្រោះ​ខ្លាំង​បំផុត​ដោយ​ជំងឺ​រាតត្បាត​នៅ​អាស៊ី​អាគ្នេយ៍ ប៉ុន្តែ​ករណី​ឆ្លង​ជំងឺ COVID-19 ប្រចាំថ្ងៃ​បាន​ធ្លាក់​ចុះ​គួរ​ឱ្យ​កត់​សម្គាល់​ពី​ករណី​ជា​មធ្យម 22,000​ករណី​កាលពី​បី​ខែ​មុន អំឡុង​ពេល​ដែល​មាន​កា​រ​កើន​ឡើង​គួរ​ឲ្យ​ព្រួយបារម្ភ​ដោយ​វីរុស​ប​ម្លែ​ង​ខ្លួន​ថ្មី ​Delta ដែល​ករណី​បាន​ធ្លាក់​មក​នៅ​ត្រឹម​ពីរ​បី​រយ​ករណី​ក្នុងប៉ុន្មាន​ថ្ងៃ​ថ្មី​នេះ បន្ទាប់ពី​យុទ្ធនា​ការ​ចាក់​វ៉ាក់សាំង​។ វិធានការ​រឹត​ត្បិត​លើ​ការ​ធ្វើ​ច​ត្តា​ឡី​ស័កត្រូវ​បាន​បន្ធូរបន្ថយ ដោយ​អនុញ្ញាត​ឱ្យ​ប្រជាជន​ហ្វីលីពីន​ភាគច្រើនអាច​ត្រឡប់​ទៅ​ផ្សារទំនើប​វិញ ​នៅមុន​បុណ្យ​ណូអែល និង​ចូលរួម​ពិធី​នៅមុន​ថ្ងៃបុណ្យ​ណូអែល​នៅ​ក្នុង​ព្រះវិហារ​នានា​។

ការ​លេច​ឡើង​នៃ​វីរុស​ប​ម្លែ​ង​ខ្លួន​ថ្មី Omicron បាន​ជំ​រុញ​ឱ្យ​រដ្ឋាភិបាលហ្វីលីពីនរំលឹក​ឡើងវិញ​ នូវ​ការសម្រេចដើម្បី​បើក​ប្រទេស​នៅ​អាស៊ីអាគ្នេយ៍​មួយ​នេះ​ឡើងវិញ​ ដល់​ភ្ញៀវ​ទេសចរ​បរទេស​ចាប់​ពី​ថ្ងៃ​ទី១ ខែ​ធ្នូ និង​បង្កើន​យុទ្ធនា​ការ​ចាក់​វ៉ាក់សាំង​បន្ថែមទៀត រួម​ទាំង​ការផ្តល់​ការ​ចាក់​ដូ​ស​ជំរុញ​។ រហូតមកដល់​ពេលនេះ​មនុស្ស​ជាង 43លាន​នាក់​ក្នុងចំណោម 110លាន​នាក់របស់​ប្រទេស​បាន​ចាក់​វ៉ាក់សាំង​។ លោក​ប្រធានាធិបតី Rodrigo Duterte ព្រួយបារម្ភ​ថា វីរុស​ប​ម្លែ​ង​ខ្លួន​ថ្មី Omicron អាចជំរុញ​ការ​ផ្ទុះឡើង​ថ្មី ដែល​អាច​ប៉ះពាល់​ដល់​ហិរញ្ញវត្ថុ​របស់​រដ្ឋាភិបាលបន្ថែមទៀត​។ ជាពិសេស​បន្ទាប់ពី​ព្យុះ​ទី​ហ្វុ​ង​ដ៏​មាន​ឥទ្ធិពលដែល​បានសំលាប់​មនុស្ស​រាប់រ​យ​នាក់ និង​បាន​បំផ្លាញ​ខេត្ត​ភាគ​កណ្តាល និង​ភាគ​ខាងត្បូង​កាល​ពី​សប្តាហ៍​មុន៕

អត្ថបទ៖ ប៊ុនថន