កងកម្លាំងរបស់សម្ព័ន្ធយោធាណាតូ បានបង្ហាញរថក្រោះ យានរថពាសដែក និងយន្តហោះ នៅក្នុងប្រទេសហុងគ្រី កាលពីថ្ងៃចន្ទ ទី១៦ មិថុនា ក្នុងសមយុទ្ធដើម្បីទប់ទល់ទៅនឹង «ការប្រឈមមុខ» ពីប្រទេសរុស្ស៊ី។

ទាហានអាមេរិក ហុងគ្រី និងអេស្បាញ ជាង ៣.០០០នាក់ បានចូលរួមក្នុងការហ្វឹកហ្វឺនបាញ់គ្រាប់ពិតនៅជិតទីក្រុង Budapest ក្នុងសមយុទ្ធ «Saber Guardian 25»។ កងទ័ពមកពីកង V Corps របស់កងទ័ពអាមេរិក បានប្រញាប់ប្រញាល់ពីមូលដ្ឋានរបស់ខ្លួនក្នុងប្រទេសអាល្លឺម៉ង់ ទៅកាន់មូលដ្ឋានហ្វឹកហាត់ក្នុងប្រទេសហុងគ្រីសម្រាប់សមយុទ្ធ។

ឧត្តមសេនីយ៍ Charles Costanza មន្ត្រីទីបញ្ជាការបាននិយាយថា សមយុទ្ធនេះ គឺ «ត្រូវធ្វើឱ្យប្រាកដថា យើងពុំមានការប្រឈមណាមួយពីមិត្តរបស់យើង រុស្ស៊ីនោះទេ។ លោកនិយាយថា លោកពុំបានមើលឃើញមានការប្រែប្រួលក្នុងតួនាទីរបស់កងកម្លាំងអាមេរិកនៅក្នុងទ្វីបអឺរ៉ុបនោះទេ ទោះបីជាលោកប្រធានាធិបតី Donald Trump បានជំរុញឱ្យសមាជិកសម្ព័ន្ធមិត្តអឺរ៉ុប ដើរតួនាទីកាន់តែធំនៅក្នុងវិស័យការពារជាតិរបស់ទ្វីបនេះក៏ដោយ។