រុស្ស៊ី បានទាមទារជាថ្មីសម្រាប់អ៊ុយក្រែនឲ្យបំផ្លាញគ្រឿងសព្វាវុធរបស់លោកខាងលិចទាំងអស់ជាថ្នូរនៃតម្លៃសន្តិភាព។

លោក Alexander Grushko អនុរដ្ឋមន្ត្រីការបរទេសរុស្ស៊ី បាននិយាយថា អតិរេកទាំងអស់នេះត្រូវតែបំផ្លាញចោល។ រាល់ដំណើរការដោះស្រាយអន្តរជាតិត្រូវបានគេដឹង។អាវុធទាំងនោះត្រូវតែ ត្រូវបានកាត់បន្ថយ កម្ទេចចោល និងធានា។

ឱសានវាទរបស់លោក គឺចុងក្រោយបង្អស់ក្នុងការទាមទារជាបន្តបន្ទាប់ ដែលដាក់ចេញដោយទីក្រុងមូស្គូក្នុងការពិភាក្សាអំពីការបញ្ចប់ការលុកលុយរយៈពេលបីឆ្នាំរបស់ខ្លួន។

កន្លងមក រុស្ស៊ីបានទទូចឱ្យក្រុង គីវ (Kyiv) កាត់បន្ថយទំហំកងកម្លាំងប្រដាប់អាវុធរបស់ខ្លួន ដកទ័ពចេញពីតំបន់ភាគខាងកើតដែលទ័ពរុស្ស៊ី កាន់កាប់ដោយផ្នែកចំនួនបួន និងទទួលស្គាល់ការបញ្ចូលជាឧបសម្ព័ន្ធតំបន់គ្រីម៉េរបស់ទីក្រុងមូស្គូ មុនពេលបទឈប់បាញ់ណាមួយ។ 

ហើយក៏បានជជែកវែកញែកផងដែរថា ភាសារុស្ស៊ីគួរតែត្រូវបានស្ដារឡើងវិញជាភាសាផ្លូវការ ហើយអ៊ុយក្រែនគួរតែយល់ព្រមមិនចូលរួមជាមួយសម្ព័ន្ធមិត្តយោធាណាតូ ឬធ្វើជាម្ចាស់ផ្ទះកងទ័ពបរទេសណាមួយនៅលើទឹកដីរបស់ខ្លួន។

ចំណែកក្រុមមន្ត្រីអ៊ុយក្រែន បានហៅសំណើរបស់រុស្ស៊ីថាជារឿងមិនអាចទទួលយកបាន និងស្ដីបន្ទោសចំពោះកង្វះវឌ្ឍនភាព ឈានឆ្ពោះទៅរកបទឈប់បាញ់ដោយគ្មានលក្ខខណ្ឌ៣០ថ្ងៃ ស្នើឡើងដោយទីក្រុង Washington និងទីក្រុងKyiv៕