ប្រធានាធិបតីបារាំងលោក អេម៉ានុយអែល ម៉ាក្រុង (Emmanuel Macron) កាលពីថ្ងៃចន្ទ បានអំពាវនាវឲ្យបញ្ចប់ការវាយប្រហារប្រឆាំងនឹងជនស៊ីវិល ក្នុងប្រទេសអ៊ីរ៉ង់ និងអ៊ីស្រាអែល ខណៈដែលលោកបានព្រមានប្រឆាំងនឹងការបង្ខំឲ្យមានការផ្លាស់ប្តូររបប នៅក្នុងទីក្រុងតេអេរ៉ង់។

លោក ម៉ាក្រុង បានប្រាប់អ្នកយកព័ត៌មាននៅឯកិច្ចប្រជុំកំពូល G7 នៅប្រទេសកាណាដាថា៖«ប្រសិនបើសហរដ្ឋអាមេរិក អាចសម្រេចបានបទឈប់បាញ់ នោះជារឿងល្អណាស់» ដូចដែលសេតវិមាន បានប្រកាសថា លោកប្រធានាធិបតី ដូណាល់ ត្រាំ (Donald Trump) នឹងចាកចេញពីព្រឹត្តិការណ៍នេះ មុនកាលកំណត់ ដោយសារវិបត្តិកើនឡើង នៅមជ្ឈិមបូព៌ា។

លោក ម៉ាក្រុង បានអំពាវនាវទាំងអ៊ីស្រាអែល និងអ៊ីរ៉ង់ឲ្យ «បញ្ចប់» ការវាយប្រហារប្រឆាំងនឹងជនស៊ីវិល ហើយបានព្រមានថា គោលបំណងដើម្បីផ្តួលរំលំរដ្ឋសាសនារបស់ទីក្រុងតេអេរ៉ង់ នឹងក្លាយជា «កំហុសយុទ្ធសាស្ត្រ»មួយ។

លោកបានថ្លែងថា៖«អ្នកទាំងអស់ដែលបានគិតថា ការវាយប្រហារពីខាងក្រៅ អ្នកអាចជួយសង្គ្រោះប្រទេសមួយ ទោះបីជាខ្លួនឯង តែងតែយល់ខុសក៏ដោយ»។