អតីតឯកអគ្គរដ្ឋទូតចក្រភពអង់គ្លេសប្រចាំទីក្រុងតេអេរ៉ង់ (២០០៣-២០០៦) លោក Richard Dalton បាននិយាយថា ពុំមានភ័ស្តុតាងគួរឲ្យទុកចិត្តបានដែលបង្ហាញថា អ៊ីរ៉ង់ជិតឈានដល់ការបង្កើតអាវុធនុយក្លេអ៊ែរ និងបង្កការគំរាមកំហែងដល់ប្រទេសអ៊ីស្រាអែលទេ។

នៅពេលសួរថាតើលោកគិតថា អ៊ីរ៉ង់ជិតនឹងផលិតអាវុធនុយក្លេអ៊ែរដែរឬយ៉ាងណា លោកបានប្រាប់សារព័ត៌មាន Sky Newsថា ៖«មិនមានភ័ស្តុតាងដែលបង្ហាញជាសាធារណៈទេ។ «យើងមានសិទ្ធិមិនជឿការអះអាងរបស់[នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ដែលថាមានការផ្លាស់ប្តូរថ្មីៗមួយចំនួន នៅក្នុងគោលនយោបាយ និងអាកប្បកិរិយារបស់អ៊ីរ៉ង់។ ខ្ញុំផ្ទាល់គិតថា ពុំមានភ័ស្តុតាងទេ។

លោកបានបញ្ជាក់ថា ការស៊ើបអង្កេតរបស់សហរដ្ឋអាមេរិក មិនឃើញមានសញ្ញាណាមួយដែលថា អ៊ីរ៉ង់កំពុងចាត់វិធានការណាមួយ ឆ្ពោះទៅរកការផលិតអាវុធនុយក្លេអ៊ែរឡើយ។

យោងតាមអតីតឯកអគ្គរដ្ឋទូតចក្រភពអង់គ្លេស យុទ្ធសាស្ត្រនៃការវាយប្រហារមុនរបស់អ៊ីស្រាអែល នឹងមានភាពត្រឹមត្រូវ លុះត្រាតែមានការគំរាមកំហែងពិតប្រាកដ និងជិតមកដល់ពីអ៊ីរ៉ង់។ លោកបានបន្ថែមថា «មិនមានភ័ស្តុតាងគួរឲ្យទុកចិត្ត» ដែលថា ទីក្រុងតេអេរ៉ង់ កំពុងរៀបចំការវាយប្រហារនោះទេ។

កាលពីយប់ថ្ងៃទី ១៣ ខែមិថុនា អ៊ីស្រាអែល បានចាប់ផ្តើមប្រតិបត្តិការតោងើបរបស់ខ្លួន ដោយកំណត់គោលដៅលើកម្មវិធីនុយក្លេអ៊ែររបស់អ៊ីរ៉ង់។ អ៊ីរ៉ង់បានឆ្លើយតបក្នុងរយៈពេលតិចជាង ២៤ម៉ោង។ នៅប៉ុន្មានថ្ងៃបន្ទាប់ ទីក្រុងតែលអាវីវ (Tel Aviv) និងទីក្រុងតេអេរ៉ង់ បានវាយប្រហារគ្នាម្តងទៀត។ ភាគីទាំងពីរ បានរាយការណ៍ពីជនរងគ្រោះ និងការខូចខាត ហើយបានទទួលស្គាល់ថា គ្រឿងបរិក្ខារមួយចំនួន ត្រូវបានរងការខូចខាត ប៉ុន្តែបាននិយាយថា ការខូចខាតមានកម្រិត។