​កំពង់ស្ពឺ​៖ នៅព្រឹកថ្ងៃទី២៦ ខែធ្នូនេះ លោកជំទាវ ហ៊ុន ម៉ាណា អគ្គនាយិកា វិទ្យុនិងទូរទស្សន៍បាយ័ន និងជាប្រធានកម្មវិធីផ្ទះទេវតា និងលោកជំទាវ ហ៊ុន ម៉ាលី ព្រមទាំងសប្បុរសជន និងក្រុមការងារមួយចំនួន បានអញ្ជើញប្រគល់ផ្ទះទេវតាចំនួន ០២ខ្នងទៀត ជូនទុរគតជនចាស់ជរាគ្មានទីពឹង នៅស្រុកថ្ពង ខេត្តកំពង់ស្ពឺ។

លោកជំទាវ ហ៊ុន ម៉ាណា បាននាំយកនូវប្រសាសន៍ផ្តាំផ្ញើសាកសួរសុខទុក្ខពីសំណាក់លោកឳពុកអ្នកម្តាយរបស់លោកដែលជានិច្ចកាលតែងគិតគូរអំពីសុខទុក្ខដល់ពុកម៉ែ បងប្អូនគ្រប់ទីកន្លែង និងគ្រប់ពេលវេលា។

- ផ្ទះលេខ ២៨៦ ប្រគល់ជូន អ៊ុស្រី ចយពៅ អាយុ៦៧ឆ្នាំ រស់នៅភូមិឡ ឃុំប្រាំបីមុម ស្រុកថ្ពង ខេត្តកំពង់ស្ពឺ ដែលជាអំណោយរបស់ឯកឧត្តម ប៉ែន វិវឌ្ឍន៍វិទ្យា និងលោកជំទាវ ណៃ រតនី តាមរយៈកម្មវិធីផ្ទះទេវតា។ 

- ផ្ទះលេខ២៨៧ ប្រគល់ជូនលោកតា អ៊ំ អៀង អាយុ៧៤ឆ្នាំ រស់នៅភូមិត្រាញ់វែងឃុំប្រាំបីមុម ស្រុកថ្ពង ខេត្តកំពង់ស្ពឺ ជាអំណោយរបស់លោកជំទាវ ផាត គីមហេង និងក្រុមគ្រួសារ តាមរយៈកម្មវិធីផ្ទះទេវតា។ បន្ថែមលើអំណោយផ្ទះខាងលើ លោកតា និងលោកយាយក៏បានទទួលអំណោយពីសម្តេចតេជោ និងសម្តេចកិត្តិព្រឹទ្ធបណ្ឌិត បន្ថែមទៀតរួមមាន សម្ភារៈប្រើប្រាស់ក្នុងផ្ទះ គ្រឿងឧបភោគ-បរិភោគ ជាច្រើនមុខ និងថវិកាមួយចំនួនទៀតផងដែរ។

ជាមួយនេះលោកជំទាវ ក៏បានអញ្ជើញសួរសុខទុក្ខ និងផ្ដល់អំណោយរបស់លោកជំទាវ និងស្វាមីផ្ទាល់ជូនចំពោះមណ្ឌលកុមារកំព្រា ស្ថិតនៅទីរួមខេត្តកំពង់ស្ពឺ ព្រមទាំងបានរៀបចំអាហារថ្ងៃត្រង់សម្រាប់កុមារកំព្រាទាំងអស់ ព្រមទាំងចែកនូវកាតាបម្នាក់១ និងមានសម្ភារសិក្សាមួយចំនួនផងដែរ។ ក្នុងមណ្ឌលនេះមានកុមារកំព្រាចំនួន៤៧នាក់ បុគ្គលិកចំនួន ១៦នាក់។

អំណោយដែលផ្ដល់ជូនមណ្ឌលកុមារកំព្រានេះរួមមាន៖

១-អង្ករ៦បេ

២-ត្រីខ ២០យួរ

៣-ទឹកដោះគោខាប់ ២កេស

៤-ត្រីងៀត ៥គីឡូ

៥-សាច់ក្រក ៥គីឡូ

៦-សាច់ជ្រូកផាត់ ៥គីឡូ

៧-ប៊ីចេង ៥គីឡូ

៨-ទឹកត្រី ៨យួរ

៩-ទឹកស៊ីអ៊ីវ ៨យួរ

១០-ម៉ាស ១០ប្រអប់ មាន ៥០០ម៉ាស

១១-ថ្នាំវីតាមីនសេ ៦៣ទីប

១២-ថ្នាំពេទ្យ ៧២ប្រអប់

១៣-សាប៊ូ ៦៣ដុំ

១៤-មី ៨កេសធំ

១៥-ច្រាស និងថ្នាំដុសធ្មេញ៦៣ឈុត

១៦-កាបូបសិក្សា៤៧កាបូប

១៧-ថវិកា ២លានរៀល។

កម្មវិធីចុងក្រោយ លោកជំទាវក៏បានអញ្ជើញទៅប្រគេនទេយ្យវត្ថុ ដែលមានស្បៀងអាហារ គ្រឿងឧបភោគ-បរិភោគ និងសម្ភារៈប្រើប្រាស់ជាច្រើនមុខរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់ដល់វត្តចំនួន៥ ផងដែរ។

លោកជំទាវ បានមានប្រសាសន៍ថា ជានិច្ចកាលសម្តេចទាំងទ្វេ តែងតែគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានាក្នុងប្រទេសកម្ពុជា ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ជាពិសេសនៅក្នុងវិបត្តិកូវីដ១៩នេះ ។

ទេយ្យវត្ថុក្នុងមួយវត្តទទួលបាន៖

០១-អង្ករ ១តោន

០២-ត្រីខ ចំនួន ១កេស មាន ១០យួរ

០៣-មីចំនួន៥កេសធំ ស្មើ ៣០កេសតូច

០៤- ត្រីងៀតចំនួន ១០គីឡូ

០៥- សាច់ក្រកចំនួន ១០គីឡូ

០៦- សាច់ក្រកចំនួន ១០គីឡូ

០៧- ទឹកដោះគោខាប់ ចំនួន ២កេស

០៨- កាហ្វេ ចំនួន ៥កញ្ចប់ធំ

០៩- តែ ចំនួន ២គីឡូក្រាម

១០- ស្ករសចំនួន ១បេ

១១- អំបិលចំនួន ១បេ

១២- ប៊ីចេងចំនួន ១បេ

១៣- ទឹកត្រីចំនួន ៥យួរ

១៤- ទឹកស៊ីអ៊ីវចំនួន ៥យួរ

១៥- សាប៊ូដុំ ចំនួន ៣០ដុំតូច

១៦- ច្រាស និងថ្នាំដុសធ្មេញ ចំនួន ១០០ឈុត

១៧- វីតាមីនសេ ចំនួន ១០ ប្រអប់

១៨- ប្រេងកូឡា ចំនួន ៥ ដុំ

១៩- ប្រេងខ្យល់ ចំនួន ៥ដុំ

២០- ម៉ាស ចំនួន២០ប្រអប់ មាន ១០០០ម៉ាស

២១- អាល់កុលសម្លាប់មេរោគ ចំនួន ៤កាន

២២- ដបសំរាប់ដាក់អាល់កុល ចំនួន ១០ដប

២៣ - ថវិកា ចំនួន ២លានរៀល៕