ជើងហោះហើរដឹកអ្នកជម្លៀសខ្លួនចេញពីអ៊ីស្រាអែល បានធ្វើដំណើរមកដល់ទីក្រុង Sofia ប្រទេសប៊ុលហ្គារីនៅថ្ងៃពុធនេះ ធ្វើឲ្យប្រទេសនៅតំបន់បាល់កង់មួយនេះ ស្ថិតក្នុងចំណោមប្រទេសដំបូងគេ នាំពលរដ្ឋជម្លៀសខ្លួនចេញពីជម្លោះរវាងអ៊ីរ៉ង់ និងអ៊ីស្រាអែល ត្រឡប់មកផ្ទះវិញ ។

រដ្ឋមន្រ្តីការបរទេសប៊ុលហ្គារីលោក Georg Georgiev បានស្វាគមន៍អ្នកជម្លៀសខ្លួន ១៤៨នាក់ពីអ៊ីស្រាអែលនៅអាកាសយានដ្ឋានក្រុង Sofia ។ ក្រុមអ្នកជម្លៀសខ្លួននេះ រួមមានពលរដ្ឋប៊ុលហ្គារី ៨៩នាក់ និងពលរដ្ឋមកពីប្រទេសផ្សេងៗជាច្រើនទៀត ដូចជាប្រទេសរ៉ូម៉ានី ស្លូវេនី សហរដ្ឋអាមេរិក បែលហ្ស៊ិក អាល់បានី និងកូសូវ៉ូ ។

នៅក្នុងចំណោមអ្នកជម្លៀសខ្លួនគឺជានាង Lena Asenova ដែលបានវិស្សមកាលនៅប្រទេសអ៊ីស្រាអែលជាមួយគ្រួសាររបស់នាង ។

នាង Asenova និយាយពីពេលដែលការជម្លៀសខ្លួនរបស់ពួកគេត្រូវបានបង្អាក់ដោយសារជម្លោះថា ភ្លាមៗនោះ ការប្រកាសអាសន្នបានចាប់ផ្តើម ហើយភាពតានតឹងក៏បានកើតមានផងដែរ ។

លោក Georgiev បានលើកឡើងផងដែរពីស្ថានភាពនៅប្រទេសអ៊ីរ៉ង់ ដោយលោកកត់សំគាល់ថា ជនជាតិប៊ុលហ្គារីប៉ុន្មាននាក់ដែរនៅទីនោះ បានស្នើសុំការជម្លៀសខ្លួនមកទល់នឹងពេលនេះ ហើយរឿងរ៉ាវលម្អិតនឹងត្រូវចែករំលែជាមួយនឹងការប្រកាសអាសន្ន ដោយសារក្តីបារម្ភសន្តិសុខនៅទីក្រុងតេអេរ៉ង់ ៕