ប្រធានាធិបតីប្រទេសម៉ិកស៊ិក លោកស្រី Claudia Sheinbaum បាននិយាយកាលពីថ្ងៃពុធ ថា លោកស្រីបានស្នើកិច្ចព្រមព្រៀងទ្វេភាគីជាទូទៅស្តីពីសន្តិសុខ ការធ្វើអន្តោប្រវេសន៍ និងពាណិជ្ជកម្ម ទៅដល់ប្រធានាធិបតីសហរដ្ឋអាមេរិក លោក Donald Trump ។

លោកស្រី Sheinbaum និងលោក Trump ត្រូវបានគេរំពឹងថានឹងជួបគ្នាក្នុងអំឡុងពេលកិច្ចប្រជុំកំពូល G7 នៅក្នុងប្រទេសកាណាដា ប៉ុន្តែដោយសារតែការចាកចេញមុនរបស់ លោកTrump ភ្លាមៗកាលពីថ្ងៃចន្ទ ការជួបសន្ទនាគ្នាត្រូវបានធ្វើឡើងតាមរយៈការហៅទូរស័ព្ទវិញ។

ក្នុងអំឡុងសន្និសីទប្រចាំថ្ងៃ លោកស្រី Sheinbaum បាននិយាយថា រដ្ឋមន្ត្រីការបរទេសម៉ិកស៊ិក លោក Marcelo Ebrard នឹងធ្វើដំណើរនៅសប្តាហ៍ក្រោយ ដើម្បីទៅជួបជាមួយសមភាគីអាមេរិក។

លោកស្រីបាននិយាយបន្ថែមថា «នេះពុំបានដោះស្រាយ ដោយការរក្សាទុកកិច្ចព្រមព្រៀងសហរដ្ឋអាមេរិក-ម៉ិកស៊ិក-កាណាដា ដែលយើងកំពុងរក្សានោះទេ»។