ហ្វូងបាតុករនៅប្រទេសថៃ ​បាន​ចាប់​ផ្តើម​ប្រមូល​ផ្តុំគ្នា​នៅ​ជិត​វិមាន​រដ្ឋាភិបាល​នៅ​ព្រឹក​ថ្ងៃ​ព្រហស្បតិ៍ (១៩ មិថុនា) នេះ ដោយ​ទាមទារឱ្យ​នាយក​រដ្ឋមន្ត្រីថៃ លោកស្រី Paetongtarn Shinawatra ចុះ​ចេញ​ពី​តំណែង បន្ទាប់​ពី​មាន​ការ​បែក​ធ្លាយកិច្ចសន្ទនាតាម​ទូរស័ព្ទ​ជាមួយអតីតប្រមុខដឹកនាំ​កម្ពុជា គឺសម្ដេចអគ្គមហាសេនាបតីតេជោ ហ៊ុន សែន ស្របពេលដែលការតស៊ូអំណាច និងវិបត្តិនយោបាយនៅក្នុងប្រទេសថៃ កាន់តែជ្រៅខ្លាំងឡើង។

ការប្រមូលតវ៉ានេះកំពុងដឹកនាំដោយក្រុមបណ្តាញនិស្សិត និងប្រជាជនដើម្បីកំណែទម្រង់ប្រទេសថៃ ដែលបានធ្វើបាតុកម្មជាច្រើនដងរួចមកហើយផងដែរ ដើម្បីទាមទារចម្លើយអំពីការគាំពារជាពិសេសដែលផ្តល់ឱ្យក្រុមគ្រួសាររបស់លោកស្រី Paetongtarn៕