ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃព្រហស្បតិ៍ ថា ការការពាររបស់រុស្ស៊ីចំពោះអាជ្ញាធរអ៊ីរ៉ង់ បានបញ្ជាក់អំពីតម្រូវការសម្រាប់ការបង្កើនទណ្ឌកម្មឲ្យកាន់តែខ្លាំងឡើងប្រឆាំងទីក្រុងមូស្គូ។

លោក Zelenskiy បាននិយាយថា ការដាក់ពង្រាយយានដ្រូន Shahed ផលិតដោយអ៊ីរ៉ង់ និងគ្រាប់រំសេវរបស់ប្រទេសកូរ៉េខាងជើង គឺជាភស្តុតាងដែលថាសម្ព័ន្ធមិត្តរបស់ទីក្រុងគីវ កំពុងអនុវត្តសម្ពាធមិនទាន់គ្រប់គ្រាន់ប្រឆាំងទីក្រុងមូស្គូនៅឡើយ។

លោក Zelenskiy បាននិយាយនៅក្នុងសុន្ទរកថាតាមវីដេអូថា «បច្ចុប្បន្ននេះ រុស្ស៊ីកំពុងព្យាយាមជួយសង្គ្រោះកម្មវិធីនុយក្លេអ៊ែរអ៊ីរ៉ង់។ ពុំអាចមានការពន្យល់ណាមួយដែលអាចកើតមានសម្រាប់សញ្ញាជាសាធារណៈ និងសកម្មភាពមិនមែនសាធារណៈរបស់ពួកគេលើរឿងនេះទេ»។ នៅពេលដែលអ្នកសមគំនិតរបស់ខ្លួនម្នាក់បាត់បង់សមត្ថភាពក្នុងការចេញសង្រ្គាម រុស្ស៊ីត្រូវចុះខ្សោយ ហើយព្យាយាមជ្រៀតជ្រែក។

នៅពេលដែលរុស្ស៊ីដាក់ពង្រាយសព្វាវុធមកពីទីក្រុងតេអេរ៉ង់ និងទីក្រុងព្យុងយ៉ាង លោកបាននិយាយថា «វាគឺជាសញ្ញាច្បាស់លាស់ដែលថា សាមគ្គីភាពសកល និងសម្ពាធពិភពលោក មិនទាន់រឹងមាំគ្រប់គ្រាន់ទេ»។ រុស្ស៊ី បានចុះហត្ថលេខាលើភាពជាដៃគូយុទ្ធសាស្ត្រជាមួយប្រទេសអ៊ីរ៉ង់ នៅឆ្នាំនេះ។ ទីក្រុងមូស្គូ បានថ្កោលទោសការវាយប្រហាររបស់អ៊ីស្រាអែលលើអ៊ីរ៉ង់ និងបានស្នើឱ្យមានការសម្របសម្រួល។