​បាល់ទាត់៖ ​ក្លិប​ដែល​កំពុងមាន​វិបត្តិ​ហិរញ្ញវត្ថុ Barcelona នឹង​ទទួលបាន​ខ្សែប្រយុទ្ធ​អេ​ស្ប៉ា​ញ Ferran Torres នៅ​ដើមខែ​មករា​ខាងមុខនេះ​ហើយពី Manchester City ក្នុងតម្លៃ ៥៥លាន​អឺរ៉ូ​។ ​មិនទាន់​អស់​នៅឡើយ​អ្នកចាត់ការ Barcelona លោក Xavi Hernandez ដែល​ធ្លាប់ជា​កីឡាករ​របស់​អ្នកចាត់ការ Manchester City បច្ចុប្បន្ន​លោក Pep Guardiola នោះ​ក៏បាន​បង្ហាញ​បំណង​ចង់បាន​ខ្សែបម្រើ​របស់ Manchester City ម្នាក់ទៀត​គឺ Phil Foden​។

​​កីឡាករ​វ័យ ២១ឆ្នាំ​រូបនេះ​គឺជា​កីឡាករ​ដែល​ចេញពី​យុវជន​ថ្នាល​របស់ Manchester City ស្រាប់ និង​បាន​ចូល​លេង​ក្រុម​ធំ​នៅ​ឆ្នាំ២០១៧ ក្នុង​វ័យ ១៧ឆ្នាំ​ប៉ុណ្ណោះ​នៅពេលនោះ​។ ​តាំងពី​ពេលនោះ​មក Phil Foden ស៊ុត​បញ្ចូល​ទី​បាន ៣៧គ្រាប់​ហើយ បូក​ជាមួយនឹង​បាល់​បញ្ជូន​សរុប ២៨ ក្នុងការ​បង្ហាញខ្លួន​ស​រុ​ប ១៤២ប្រកួត​។ ​Xavi Hernandez នឹង​ជ​ជែង​ជាមួយ​ប្រធាន​ក្លិប Joan Larpota ពី​លទ្ធភាព​នាំយក​កីឡាករ​វ័យ ២១ឆ្នាំ​រូបនេះ​មកកាន់ Camp Nou បើទោះជា​ក្លិប​កំពុងមាន​វិបត្តិ​ហិរញ្ញវត្ថុ​ក៏ដោយ​។ ​​សូមបញ្ជាក់ថា Covid-19 បានធ្វើឱ្យ​ក្លិប​នៅ​តំបន់ Catalan ប្រទេស​អេ​ស្ប៉ា​ញ​មួយ​នេះ​ជួបនឹង​វិបត្តិ​ហិរញ្ញវត្ថុ​ធ្ងន់ធ្ងរ មុនពេល​ការមកដល់​របស់ Joan Larpota និង​ការចាកចេញ​របស់ Lionel Messi​។ ​Ferran Torres ដែល​ទិញ Manchester City ក្នុងតម្លៃ ៥៥លាន​អឺរ៉ូ​នោះ​ក៏​ជាថ​វិការ​ដែល​បានមកពី​ការខ្ចី​ធនាគារ​ដែរ​៕

​អត្ថបទ​៖​នាង សុភា​វុ​ធ