ទីផ្សារជាច្រើនកន្លែងត្រូវបានបិទ ហើយរថយន្តដឹកទំនិញរាប់សិបគ្រឿង បានជាប់គាំងនៅព្រំដែន Taftan របស់ប្រទេសប៉ាគីស្ថានជាមួយប្រទេសអ៊ីរ៉ង់ កាលពីថ្ងៃសុក្រ ទី២០ ខែមិថុនា ខណៈច្រកឆ្លងកាត់សំខាន់នៅតែបិទរយៈពេល៦ថ្ងៃជាប់ៗគ្នា ដែលធ្វើអោយពាណិជ្ជកម្មជាប់គាំង និងធ្វើឱ្យមានការខាតបង់យ៉ាងច្រើនដល់អាជីវកម្ម។ 

ភាពតានតឹងកាន់តែខ្លាំងឡើងរវាងអ៊ីរ៉ង់ និងអ៊ីស្រាអែល បានជំរុញឱ្យប្រទេសប៉ាគីស្ថាន ផ្អាកប្រតិបត្តិការនៅច្រកឆ្លងកាត់ Taftan ចាប់តាំងពីថ្ងៃអាទិត្យ ទី១៥ មិថុនា ដោយបង្ហាញពីការរឹតបន្តឹងរបស់ភាគីអ៊ីរ៉ង់ បន្ទាប់ពីការវាយប្រហារតាមអាកាសរបស់អ៊ីស្រាអែល។

ព្រំដែន Taftan ជាសរសៃឈាមពាណិជ្ជកម្មដ៏សំខាន់ដែលជាធម្មតាដោះស្រាយការដោះដូរប្រចាំថ្ងៃសម្រាប់ប្រេងឥន្ធនៈ អាហារ និងទំនិញប្រើប្រាស់ក្នុងលំនៅឋាន ដែលពេលនេះត្រូវបានទុកចោលដោយរថយន្តដឹកទំនិញរាប់សិបគ្រឿងបានជាប់គាំង។

អ្នកដឹកជញ្ជូនបាននិយាយថា ពួកគេបានជាប់គាំងរយៈពេល៥ថ្ងៃមកហើយ ដោយខាតបង់ប្រាក់ប្រហែល២០.០០០រូពីជារៀងរាល់ថ្ងៃសម្រាប់រថយន្តមួយគ្រឿង ខណៈកំពុងប្រឈមនឹងកង្វះការផ្គត់ផ្គង់សំខាន់ៗ។

អាជីវករក្នុងស្រុកបាននិយាយថា ៩០ភាគរយនៃទំនិញនៅក្នុងទីក្រុង Taftan ជាធម្មតាមកពីប្រទេសអ៊ីរ៉ង់។