សារព័ត៌មានរដ្ឋរាយការណ៍ថា ក្រុមអាជ្ញាធរបានជម្លៀសអ្នកភូមិចេញពីស្រុក Sangzhi ខេត្ត Hunan ស្របពេលដែលទឹកជំនន់បង្កឡើងដោយភ្លៀងធ្លាក់ខ្លាំង បានជន់លិចផ្ទះសម្បែងជាច្រើនខ្នង ។

ទូរទស្សន៍រដ្ឋ CCTV បង្ហាញរូបភាពវីដេអូឃ្លីបឃើញកម្ទេចកម្ទីអណ្តែតលើទឹកជន់ ខណៈក្រុមអាជ្ញាធរជម្លៀសអ្នកភូមិចេញតាមទូក ។

CCTV រាយការណ៍ថា នៅតំបន់ស្វយ័ត Guangxi Zhuang នៅភាគខាងត្បូងប្រទេសចិន ក្រុមជួយសង្រ្គោះ បានដើរលុកទឹក ដើម្បីជម្លៀសនិស្សិតជាប់ខ្លួន ៤០នាក់ ក្រោយទឹកជំនន់ធ្ងន់ធ្ងរបានជន់លិចមហាវិទ្យាល័យមួយកន្លែងនៅទីក្រុង Hechi ។

កាលពីថ្ងៃអាទិត្យ រដ្ឋបាលឧតុនិយមចិន បានចេញសេចក្តីប្រកាសអាសន្នកម្រិតពណ៌ខៀវសម្រាប់ភ្លៀងធ្លាក់ខ្លាំង ខណៈតំបន់ភាគខាងត្បូងប្រទេសចិន ស្ថិតក្នុងការប្រុងជើងការខ្ពស់សម្រាប់ទឹកជំនន់ដ៏គំហុកបន្ថែមទៀត ៕