នាយករដ្ឋមន្រ្តីអ៊ីស្រាអែលលោក Benjamin Netanyahu បានកោតសរសើរអ្វីដែលលោកចាត់ទុកថា ជាការសម្រេចចិត្តដ៏មុតមាំដោយប្រធានាធិបតីសហរដ្ឋអាមេរិកលោក Donald Trump ក្នុងការទម្លាក់គ្រាប់បែកលើទីតាំងនុយក្លេអ៊ែររបស់អ៊ីរ៉ង់ ដោយលោកនិយាយថា វានឹងផ្លាស់ប្តូរប្រវត្តិសាស្រ្ត ។

លោក Netanyahu និយាយនៅក្នុងសុន្ទរកថាថា ប្រវត្តិសាស្រ្ត នឹងកត់ត្រាអ្វីដែលលោកប្រធានាធិបតី Trump បានធ្វើ ដើម្បីច្រានចោលរបបដ៏គ្រោះថ្នាក់បំផុតរបស់ពិភពលោក អាវុធដ៏គ្រោះថ្នាក់បំផុតរបស់ពិភពលោក ។

លោក Trump និយាយកាលពីថ្ងៃសៅរ៍ថា កងកម្លាំងសហរដ្ឋអាមេរិក បានវាយប្រហារទីតាំងនុយក្លេអ៊ែរ ៣កន្លែងរបស់អ៊ីរ៉ង់ នៅក្នុងការវាយប្រហារដ៏ជោគជ័យបំផុត ។

ប៉ុន្មានថ្ងៃក្រោយការពិចារណា និងរយៈពេល ២សប្តាហ៍មុនឱសានវាទដាក់ដោយខ្លួនឯង លោក Trumpបានសម្រេចចិត្តចូលរួមយុទ្ធនាការយោធារបស់អ៊ីស្រាអែល ប្រឆាំងនឹងគូប្រជែងធំបំផុតរបស់អ៊ីស្រាអែលមួយនេះ ៕