លោក Dmitry Gendelman ទីប្រឹក្សានៅការិយាល័យនាយករដ្ឋមន្ត្រីអ៊ីស្រាអែល បាននិយាយថា អ៊ីរ៉ង់បានបាញ់មីស៊ីលជាង ៥០០គ្រាប់ និងយានដ្រូនជាង ១.០០០គ្រឿង ទៅលើអ៊ីស្រាអែល ចាប់តាំងពីថ្ងៃទី ១៣ ខែមិថុនា ដោយបានបណ្តាលឲ្យមនុស្ស ២៥នាក់ស្លាប់ និង ជាង១.៣០០នាក់ រងរបួស។

លោកបានសរសេរនៅលើប៉ុស្តិ៍ Telegram របស់ខ្លួនថា៖«ចាប់តាំងពីការចាប់ផ្តើមនៃប្រតិបត្តិការនេះ     មីស៊ីលជាង ៥០០គ្រាប់ និងយានដ្រូនជាង ១.០០០គ្រឿង ត្រូវបានបាញ់ទៅលើអ៊ីស្រាអែល។

លោកបានបន្ថែមថា អាជ្ញាធរពន្ធដារអ៊ីស្រាអែល បានទទួលពាក្យស្នើសុំចំនួន ៣៦.៤៦៥ សម្រាប់សំណងសម្រាប់ការខូចខាត ក្នុងនោះមាន ២៩.២២៦ សម្រាប់ការខូចខាតអគារ និង ៣.៣៩២ សម្រាប់ការខូចខាតយានយន្ត។ មន្ត្រីអ៊ីស្រាអែល បាននិយាយថា៖«លើសពីនេះ បុគ្គលជិត ១៥.000នាក់ ត្រូវបានជម្លៀសចេញពីផ្ទះសម្បែងរបស់ពួកគេ» នៅក្នុងប្រទេសអ៊ីស្រាអែល ដោយបន្ថែមថា ១០.៩៩៦នាក់ ក្នុងចំណោមពួកគេ ត្រូវបានស្នាក់នៅក្នុងមន្ទីរពេទ្យ ដោយរដ្ឋាភិបាលជាអ្នកចំណាយ ហើយប្រហែល ៤.០០០នាក់ បានជ្រើសរើសស្នាក់នៅក្នុងទីជម្រករបស់មិត្តភក្តិ ឬសាច់ញាតិរបស់ពួកគេ។