ក្រសួងការពារជាតិរុស្ស៊ី បានរាយការណ៍កាលពីថ្ងៃចន្ទថា ទាហានរុស្ស៊ី បានធ្វើការវាយប្រហារពេញមួយយប់ដោយអាវុធជាក់លាក់ និងយានដ្រូន ទៅលើទីតាំងយោធា ក្នុងតំបន់ Kiev និងឃ្លាំងអាវុធរបស់កងទ័ពជើងទឹកអ៊ុយក្រែន ក្នុងរយៈពេល ២៤ម៉ោងកន្លងទៅ នៅក្នុងប្រតិបត្តិការយោធាពិសេសនៅអ៊ុយក្រែន។

ក្រសួងបាននិយាយនៅក្នុងសេចក្តីថ្លែងការណ៍មួយថា៖ «កាលយប់ថ្ងៃអាទិត្យ ទី ២២ ខែមិថុនា កងកម្លាំងប្រដាប់អាវុធរុស្ស៊ី បានធ្វើការវាយប្រហាររួមគ្នាដោយអាវុធជាក់លាក់ និងវាយប្រហារដោយយានដ្រូនទៅលើសហគ្រាសនៃបរិវេណឧស្សាហកម្មយោធា-ឧស្សាហកម្មរបស់អ៊ុយក្រែន ក្នុងតំបន់ Kiev ហេដ្ឋារចនាសម្ព័ន្ធនៃអាកាសយានដ្ឋានយោធា និងឃ្លាំងគ្រាប់មីន និងអាវុធ torpedo របស់កងទ័ពជើងទឹករបស់អ៊ុយក្រែន។ គោលដៅនៃការវាយប្រហារ ត្រូវបានសម្រេច។ គោលដៅដែលបានកំណត់ទាំងអស់ ត្រូវបានវាយប្រហារ»។ 

កងទ័ពអ៊ុយក្រែន បានបាត់បង់ទាហានជាង ១.២១៥ នាក់ នៅក្នុងការប្រយុទ្ធជាមួយកងកម្លាំងរុស្ស៊ី នៅក្នុងតំបន់ជួរមុខទាំងអស់ក្នុងរយៈពេល ២៤ម៉ោងកន្លងទៅនេះ។ នេះបើយោងតាមទិន្នន័យចុងក្រោយបំផុតស្តីពីប្រតិបត្តិការយោធាពិសេសនៅក្នុងប្រទេសអ៊ុយក្រែន ដែលចេញផ្សាយដោយក្រសួងការពារជាតិ  រុស្ស៊ី។