រូបភាពវីដេអូឃ្លីបនៅលើបណ្តាញព័ត៌មានសង្គមឃើញពេលដែលកាប៊ីនរបស់រថយន្តដឹកទំនិញមានអ្នកបើកបរនៅក្នុង ព្យួរនៅលើគែមស្ពានបាក់ ស្ថិតក្នុងខេត្ត Guizhou ប្រទេសចិននាថ្ងៃអង្គារនេះ ។

នៅក្នុងវីដេអូនេះដែរ អ្នកថតហេតុការណ៍ឮនិយាយប្រាប់អ្នកបើកបរឲ្យរង់ចាំក្រុមការងារនាយកដ្ឋានពន្លត់អគ្គិភ័យមកសង្រ្គោះគាត់ ។

នាយកដ្ឋានដឹកជញ្ជូនខេត្ត Guizhou និយាយថា ស្ពាន់ឆ្លងកាត់ទន្លេ បានបាក់ Houzi ពីបំណាក់ដីបង្កឡើងដោយសារភ្លើងធ្លាក់ខ្លាំងនៅវេលាម៉ោង ៧ និង ៤០នាទីព្រឹកម៉ោងក្នុងស្រុក ថ្ងៃអង្គារនេះ ។

ក្រុមអាជ្ញាធរ និយាយថា ទន្លេជាច្រើនបានផ្ទុះច្រាំង ក្រោយភ្លៀងធ្លាក់អស់រយៈពេលជាច្រើនថ្ងៃនៅខេត្ត Guizhou ដែលរងការវាយប្រហារដោយទឹកជំនន់ ស្របពេលដែលរដូវមូសុងវស្សានៅតំបន់អាស៊ីបូព៌ា ឈានដល់កម្រិតខ្ពស់ ។

ក្រុមឧតុនិយមរដ្ឋ ព្យាករថា ភ្លៀងធ្លាក់បន្ថែមទៀត ត្រូវបានគេរំពឹងថានឹងកើតមាននៅក្នុងរយៈពេលប៉ុន្មានថ្ងៃខាងមុខនេះ ដោយពួកគេព្រមានថា ខេត្តជាច្រើនរួមទាំងខេត្ត Guizhou នឹងរងការវាយប្រហារដោយប្រព័ន្ធព្យុះ ៕