នៅថ្ងៃអង្គារនេះ ជនប៉ាឡេស្ទីននៅទីក្រុងហ្កាហ្សា បានលាគ្នាជាលើកចុងក្រោយទៅកាន់មនុស្សជាទីស្រលាញ់របស់ពួកគេដែលត្រូវបានសម្លាប់ដោយសារការបាញ់ប្រហាររបស់អ៊ីស្រាអែលកាលពីយប់ថ្ងៃចន្ទកន្លងទៅ ស្របពេលដែលពួកគេព្យាយាមទទួលជំនួញ ។

ក្មេងប្រុស Abdalllah Al-Najjarវ័យ ១៩ឆ្នាំ ដែលព្យាយាមស្វែងរកជំនួយនៅទីក្រុងហ្កាហ្សា និយាយថា រូបគេបានទៅយកស្បៀងអាហារជាមួយគ្រួសារ ទៅជាមួយបងប្អូនបង្កើត និងបងប្រុសរបស់ខ្ញុំ ។ ពួកយើងបានរងរបួស មាននូវការបាញ់ប្រហារច្រើនណាស់ ។ វាពិតជាពិបាកខ្លាំងណាស់ វាគឺជាអាហារមានរសជាតិឈាម ។

លោក Marwan Abu Naser គឺជាគ្រូពេទ្យប្រចាំមន្ទីរពេទ្យ Al-Awda ស្ថិតក្នុងទីក្រុង Al-Awda នៅភាគកណ្តាលតំបន់ហ្កាហ្សា និយាយថា ពួកគេទទួលយកមនុស្សស្លាប់ ១៩នាក់ និងអ្នករងរបួស ១៤៦នាក់ ពីហ្វូងមនុស្សដែលព្យាយាមធ្វើដំណើរទៅកាន់មណ្ឌលចែកចាយជំនួយនៅក្បែរនោះរបស់មូលនិធិមនុស្សធម៌ហ្កាហ្សា(GHF)គាំទ្រដោយសហរដ្ឋអាមេរិក ។ ក្រោយមកអ្នករងរបួសត្រូវបានបញ្ជូនទៅកាន់មន្ទីរពេទ្យ Al-Shifa នៅទីក្រុងហ្កាហ្សា ។

លោក Abu Naser និយាយប្រាប់ទីភ្នាក់ងារព័ត៌មានរ៉យទ័រថា គ្រោះថ្នាក់នេះដោយសារការបាញ់ប្រហាររបស់ទាហានអ៊ីស្រាអែល ។ 

ជាការឆ្លើយតបនឹងសំណើរសុំសេចក្តីអត្ថាធិប្បាយជុំវិញការសម្លាប់ជនប៉ាឡេស្ទីននេះ មូលនិធិ GHF បានឆ្លើយតបតាមអ៊ីម៉ែលថា ពួកគេពុំទទួលបានព័ត៌មានណាពាក់ព័ន្ធនឹងអំពើហិង្សានៅជិតទីតាំងចែកចាយជំនួយរបស់ខ្លួននោះឡើយ ៕