សារព័ត៌មានThe Daily Telegraph បានរាយការណ៍ថា  រដ្ឋសមាជិកអង្គការណាតូចំនួន ៥ គឺហ្វាំងឡង់ ប៉ូឡូញ និងប្រទេសបាល់ទិកទាំងបី (អេស្តូនី ឡាតវី និងលីទុយអានី) បានត្រៀមដាក់ពង្រាយគ្រាប់មីននៅតាមព្រំដែនរបស់ពួកគេជាមួយប្រទេសរុស្ស៊ី ដោយបង្កើតរនាំងដែកថ្មីនៅអឺរ៉ុប ប្រកបដោយប្រសិទ្ធ   ភាព។

យោងតាមការបោះពុម្ភផ្សាយនេះ ប្រទេសនីមួយៗ បានសន្និដ្ឋានថា ការទប់ស្កាត់ការឈ្លានពានរបស់រុស្សី ទាមទារវិធានការការពារ ដែលចាត់ទុកថា មិនអាចគិតទុកជាមុនបាន។ សារព័ត៌មាននេះ បានបញ្ជាក់ថា ប្រសិនបើចាំបាច់ ពួកគេនឹងដាំដើមឈើដ៏ស្ងប់ស្ងាត់ នៅតាមបណ្តោយព្រំដែនរបស់ពួកគេ ជាមួយនឹងគ្រាប់មីនរាប់លានគ្រាប់។

កាសែតនេះ បានកត់សម្គាល់ឃើញថា ប្រទេសទាំង៥ បានប្រកាសពីចេតនារបស់ពួកគេ ក្នុងការដកខ្លួនចេញពីអនុសញ្ញាអូតាវ៉ា ដែលហាមឃាត់ការប្រើប្រាស់ ការស្តុកទុក និងការផលិតគ្រាប់មីនប្រឆាំងមនុស្ស។ នៅពេលដែលការដកខ្លួនរបស់ពួកគេ ត្រូវបានដាក់ជូនអង្គការសហប្រជាជាតិជាផ្លូវការ ប្រទេសទាំងនោះនឹងត្រូវបានអនុញ្ញាតឲ្យផលិតនិងដាក់ពង្រាយគ្រាប់មីននៅលើទឹកដីរបស់ខ្លួន ដោយស្របច្បាប់។ អ្នករៀបចំផែនការយោធា កំពុងវាយតម្លៃរួច ហើយថា ផ្នែកណាមួយនៃព្រំដែន នឹងត្រូវបានដាក់មីន នៅក្នុងព្រឹត្តិការណ៍នៃជម្លោះប្រដាប់អាវុធ។

នាពេលមុននេះ លោកប្រធានាធិបតី វ្ល៉ាឌីមៀ ពូទីន បានច្រានចោលការលើកឡើងដែលថា រុស្ស៊ីមានផែនការវាយប្រហារណាតូ ឬបណ្តាប្រទេសអឺរ៉ុប ដោយហៅការចោទប្រកាន់បែបនេះថា ជា«ការភូតកុហក» និង«មិនសមហេតុសមផល»។