ភ្លៀងមូសុងនៅតាមបណ្តាលរដ្ឋជាច្រើន ក្នុងប្រទេសឥណ្ឌា បានជន់លិចតំបន់រស់នៅរបស់អ្នកស្រុក ហើយទន្លេជាច្រើនបានហូរប្រៀបច្រាំង បង្កការជន់លិចនៅតាមតំបន់ក្បែរៗ ។

ទន្លេ Godavari ស្ថិតទីក្រុងភាគកណ្តាល Nashik បានឡើងដល់កម្រិតគ្រោះថ្នាក់ ហើយក្រុមអាជ្ញាធរ បានប្រកាសអាសន្ន ។ តំបន់វាលទំនាបជាច្រើននៅជិតទន្លេមួយនេះ បានរងការជន់លិច បន្ទាប់ពីភ្លៀងធ្លាក់ឥតឈប់ឈរ ។

រដូវវស្សាចាំបាច់សម្រាប់ប្រជាកសិកររាប់លាននាក់នៅក្នុងប្រទេសឥណ្ឌា ដោយសារជិតពាក់កណ្តាលនៃដីកសិកម្មរបស់ពួកគេ ជួបកង្វះខាតប្រព័ន្ធស្រោចស្រព ។

ប៉ុន្តែវាបណ្តាលឲ្យមានបំណាក់ដី ទឹកជំនន់ធ្ងន់ធ្ងរ និងជំងឺឆ្លងផងដែរ ស្របពេលដែលរដ្ឋបាលស៊ីវិល មិនអាចដោះស្រាយបញ្ហាប្រឈមបង្កឡើងដោយសារវា ។

លោក Satish Shukla គឺជាអ្នកស្រុកមួយរូបរស់នៅក្នុងទីក្រុង Nashik និយាយថា វាបានកើតឡើងជាលើកដំបូង ពេលដែលទន្លេហូរប្រៀបច្រាំងបែបនេះ នៅមុនខែមិថុនា ។ វាពិតជាមានភ្លៀងធ្លាក់ខ្លាំងណាស់ នៅក្នុងឆ្នាំនេះ ៕