ប្រធានាធិបតីហ្វាំងឡង់លោក Alexander Stubb បានទទួលស្គាល់ថា យុគសម័យនៃការត្រួតត្រារបស់ ប្រទេសលោក បានចប់ហើយ ដោយបញ្ជាក់ថា ពិភពលោក កំពុងឆ្ពោះទៅរកសណ្តាប់ធ្នាប់ពិភពលោកពហុប៉ូល។

លោកបាននិយាយនៅពេលមកដល់កិច្ចប្រជុំកំពូលរបស់អង្គារណាតូ នៅទីក្រុងឡាអេថា៖«ខ្ញុំគិតថា យើងកំពុងឃើញការផ្លាស់ប្តូរសណ្តាប់ធ្នាប់ពិភពលោក។ ការផ្លាស់ប្តូរនេះ ស្រដៀងទៅនឹងពេលដែលយើងបានឃើញ បន្ទាប់ពីសង្គ្រាមលោកលើកទី ១ សង្រ្គាមលោកលើកទីពីរ និងសង្រ្គាមត្រជាក់។ បច្ចូប្បន្ននេះ យើងត្រូវរៀបចំអ្វីៗឲ្យបានរៀបរយ ដោយយល់ឃើថា ពេលវេលានៃការត្រួតត្រារបស់លោកខាងលិច បានចប់ហើយ។ យើងកំពុងឆ្ពោះទៅកាន់ពិភពលោក ដែលមានប្រតិបត្តិការច្រើន ពហុប៉ូល និងមិនមានសណ្តាប់ធ្នាប់ជាងមុន ហើយនេះមានន័យថា យើងត្រូវការសម្ព័ន្ធមិត្តជិតស្និទ្ធ ហើយត្រូវតែធ្វើការលើការកសាងសន្តិសុខ និងការការពាររបស់យើង ជាពិសេសសម្រាប់ប្រទេសមួយដូចហ្វាំងឡង់។  

លោក Stubb បានហៅកិច្ចប្រជុំកំពូលរបស់អង្គការណាតូដែលកំពុងបន្តថា ជា«ប្រវត្តិសាស្ត្រ» ហើយបានបញ្ជាក់ថា ការបង្កើនការចំណាយលើវិស័យការពារជាតិដល់ ៥% នៃផលិតផលក្នុងស្រុកសរុប នឹងនាំមកនូវការចំណាយយោធារបស់សម្ព័ន្ធភាពនេះ ត្រឡប់ទៅកម្រិតសង្គ្រាមត្រជាក់វិញ។

នៅក្នុងកិច្ចប្រជុំកំពូលនៅទីក្រុងឡាអេ ក្រុមមេដឹកនាំណាតូ ត្រូវបានគេរំពឹងថា នឹងសម្រេចចិត្តបង្កើនការចំណាយយោធាពី ២% ទៅ ៥% នៃផលិតផលក្នុងស្រុកសរុប នៅឆ្នាំ ២០៣៥។