មន្ត្រីសេតវិមានបាននិយាយកាលពីថ្ងៃព្រហស្បតិ៍ ២៦ មិថុនា ថា សហរដ្ឋអាមេរិកបានឈានដល់កិច្ចព្រមព្រៀងជាមួយប្រទេសចិនអំពីរបៀបពន្លឿនការនាំចេញរ៉ែកម្រទៅកាន់សហរដ្ឋអាមេរិក ស្របពេលមានកិច្ចខិតខំប្រឹងប្រែងដើម្បីបញ្ចប់សង្គ្រាមពាណិជ្ជកម្មរវាងប្រទេសដែលមានសេដ្ឋកិច្ចធំបំផុតទាំងពីររបស់ពិភពលោក។

លោកប្រធានាធិបតី Donald Trump មុននេះបាននិយាយថា សហរដ្ឋអាមេរិកបានចុះហត្ថលេខាលើកិច្ចព្រមព្រៀងមួយជាមួយប្រទេសចិនកាលពីថ្ងៃពុធសប្ដាហ៍នេះ ដោយពុំផ្តល់ព័ត៌មានលម្អិតបន្ថែម ហើយថាអាចនឹងមានកិច្ចព្រមព្រៀងដាច់ដោយឡែកមួយកើតឡើង ដែលនឹង "បើកចំហ"សម្រាប់ ឥណ្ឌា។     

ក្នុងអំឡុងពេលកិច្ចចរចាពាណិជ្ជកម្មរវាងសហរដ្ឋអាមេរិក និងចិនក្នុងខែឧសភា នៅទីក្រុងហ្សឺណែវ ទីក្រុងប៉េកាំងបានប្តេជ្ញាលុបចោលវិធានការបដិការគ្មានពន្ធដែលបានដាក់ប្រឆាំងនឹងសហរដ្ឋអាមេរិកចាប់តាំងពីថ្ងៃទី ២ខែមេសា ទោះគេមិនច្បាស់ថា តើវិធានការមួយចំនួននឹងត្រូវដើរថយក្រោយបែបណាក៏ដោយ។

ជាផ្នែកមួយនៃការសងសឹករបស់ខ្លួនប្រឆាំងនឹងការដំឡើងពន្ធថ្មីរបស់សហរដ្ឋអាមេរិក ប្រទេសចិនបានផ្អាកការនាំចេញសារធាតុរ៉ែ និងមេដែកសំខាន់ៗជាច្រើន ដោយបង្កើនខ្សែសង្វាក់ផ្គត់ផ្គង់ដល់ក្រុមហ៊ុនផលិតរថយន្ត ក្រុមហ៊ុនផលិតយន្តហោះ ក្រុមហ៊ុនផលិតបន្ទះឈីប និងអ្នកម៉ៅការយោធានៅជុំវិញពិភពលោក៕