រដ្ឋមន្ត្រីការបរទេសរុស្ស៊ី លោក Sergei Lavrov កាលពីថ្ងៃព្រហស្បតិ៍ (២៦ មិថុនា) បាននិយាយប្រឆាំងនឹងសម្ព័ន្ធមិត្តដ៏សំខាន់របស់ទីក្រុងមូស្គូ គឺអ៊ីរ៉ង់ ដែលផ្អាកកិច្ចសហប្រតិបត្តិការរបស់ខ្លួនជាមួយទីភ្នាក់ងារថាមពលអាតូមិកអន្តរជាតិ (IAEA) បន្ទាប់ពីសមាជិកសភាអ៊ីរ៉ង់ បានបោះឆ្នោតគាំទ្រការបញ្ឈប់ការងារជាមួយទីភ្នាក់ងារនុយក្លេអ៊ែររបស់អង្គការសហប្រជាជាតិ។

លោក Lavrov បាននិយាយនៅក្នុងសន្និសីទសារព័ត៌មាននៅទីក្រុងមូស្គូថា «យើងចាប់អារម្មណ៍ក្នុងការបន្តកិច្ចសហប្រតិបត្តិការរវាងអ៊ីរ៉ង់ និងទីភ្នាក់ងារIAEA ដូច្នេះគ្រប់គ្នាត្រូវគោរពសេចក្តីថ្លែងការណ៍ដដែលៗរបស់អ៊ីរ៉ង់ដែលថាអ៊ីរ៉ង់គ្មានផែនការអភិវឌ្ឍអាវុធនុយក្លេអ៊ែរទេ។

ការសម្រេចរបស់សមាជិកសភាអ៊ីរ៉ង់ ធ្វើឡើងបន្ទាប់ពីសង្គ្រាមរយៈពេល១២ថ្ងៃ ដែលបានមើលឃើញអ៊ីស្រាអែលនិងសហរដ្ឋអាមេរិកវាយប្រហារលើទីតាំងនុយក្លេអ៊ែរ នៅតែទាមទារការអនុម័តពីក្រុមប្រឹក្សាការពាររបស់អ៊ីរ៉ង់ ជាស្ថាប័នផ្តល់អំណាចពិនិត្យច្បាប់។

លោក Lavrov បាននិយាយថា ទីក្រុងមូស្គូផ្តល់ការគាំទ្រយ៉ាងខ្លាំងសម្រាប់ទីក្រុងតេអេរ៉ង់ ប៉ុន្តែពុំបាននៅពីក្រោយដៃគូរបស់ខ្លួននោះទេ ទោះបីជាសហរដ្ឋអាមេរិកបានបើកការវាយប្រហារលើទីតាំងនុយក្លេអ៊ែររបស់អ៊ីរ៉ង់ កាលពីចុងសប្តាហ៍កន្លងទៅនេះក៏ដោយ។

រុស្ស៊ី និងអ៊ីរ៉ង់ បានចុះហត្ថលេខាលើកិច្ចព្រមព្រៀងជាយុទ្ធសាស្ត្រដ៏សំខាន់កាលពីដើមឆ្នាំនេះ ប៉ុន្តែមិនបានផ្តល់ជំនួយទៅវិញទៅមកនៅក្នុងករណីនៃការឈ្លានពាននោះទេ។ អ៊ីរ៉ង់ គឺជាសម្ព័ន្ធមិត្តជិតស្និទ្ធបំផុតទីពីររបស់រុស្ស៊ី ដែលស្ថិតនៅក្រោមសម្ពាធនៅមជ្ឈិមបូព៌ាក្នុងរយៈពេលប៉ុន្មានខែថ្មីៗនេះ។