ពិធីបុណ្យ Chariot នៅប្រទេសឥណ្ឌា បានចាប់ផ្តើមនៅថ្ងៃសុក្រនេះ ស្របពេលរលកកម្តៅធ្ងន់ធ្ងរនាំឲ្យអ្នកចូលរួមដួលសន្លប់នៅទីក្រុងតំបន់ឆ្នេរ Puri ។

ក្រុមអ្នកបូជាហិណ្ឌូរាប់ម៉ឺននាក់ បានជួបជុំគ្នាសម្រាប់ពិធីបុណ្យប្រចាំឆ្នាំនេះ ហើយមនុស្សជាច្រើននាក់ ត្រូវបានគេមើលឃើញសែងចេញដោយស្នែង ខណៈរថយន្តគិលានសង្រ្គោះ បើកឆ្លងកាត់ហ្វូងមនុស្ស ដើម្បីដឹកជញ្ជូនមនុស្សដួលសន្លប់ទៅកាន់មន្ទីរពេទ្យ ។

ក្រុមមន្រ្តីត្រូវបានគេមើលឃើញបាញ់ចំហាយទឹកផងដែរលើក្រុមអ្នកបូជា ដើម្បីផ្តល់ស្ថានភាពល្អប្រសើរធូរស្រាលពីរលកកម្តៅដ៏ក្តៅខ្លាំងនេះ ។

ពិធីបុណ្យដែលអ្នកស្រុកហៅថា “'Rath Yatra” រំឭកដល់ដំណើររបស់អាទិទេពនៅលើរថទៅកាន់ប្រាសាទ Gundicha ដែលមានចម្ងាយ ២គ.មពីប្រាសាទ Puri Jagannath ។ 

ហិណ្ឌូសាសនិកចាត់ទុកឆព្វណ្ណរង្សីរបស់អម្ចាស់ Jagannath ដែលជាអវតារបស់ព្រះវិស្ណុថា មានឫទ្ធីនុភាព និងចាត់ទុកពិធីបុណ្យ Chariot ថាជាពេលវេលារបស់អាទិទេព មកប្រទានពរដល់ក្រុមអ្នកគោរពបូជានៅតាមផ្លូវ ៕