លោកប្រធានាធិបតី Donald Trump និយាយថា សហរដ្ឋអាមេរិក និងចិន បានចុះហត្ថលេខាលើកិច្ចព្រមព្រៀងពាណិជ្ជកម្ម ស្របពេលមានកិច្ចខិតខំ ដើម្បីបញ្ចប់សង្រ្គាមពាណិជ្ជកម្មរវាងប្រទេសមហាអំណាចសេដ្ឋកិច្ចធំបំផុតទាំង ២របស់ពិភពលោក ។

អំឡុងព្រឹត្តការណ៍នៅសេតវិមាន លោក Trumpបាននិយាយដោយពុំផ្តល់រឿងរ៉ាវលម្អិតបន្ថែមថា ពួកយើងទើបតែចុះហត្ថលេខាជាមួយចិន កាលពីថ្ងៃមុន ។

មន្រ្តីសេតវិមាន និយាយថា រដ្ឋបាលអាមេរិក និងចិន បានយល់ព្រមយោគយល់គ្នាបន្ថែមទៀតសម្រាប់គម្រោង ដើម្បីអនុវត្តកិច្ចព្រមព្រៀងក្រុងហ្សឺណែវ ដែលចង់សំដៅលើកិច្ចប្រជុំនៅក្នុងរដ្ឋធានីប្រទេសស្វីសមួយនេះ កាលពីខែមុន ជាទីដែលប្រទេសទាំង២ បានឯកភាពគ្នាលើការផ្អាកសង្រ្គាមពាណិជ្ជកម្ម ។

កិច្ចព្រមព្រៀងនេះដែរ បានកើតមានឡើង បន្ទាប់ពីការព្រមព្រៀងគ្នានៅក្រុងហ្សឺណែវដែលនាំឲ្យចិន និងសហរដ្ឋអាមេរិកផ្អាកការដំឡើងពន្ធខ្ពស់កប់ពពករបស់ពួកគេ សម្រាប់រយៈ ៩០ថ្ងៃ ស្របពេលដែលពួកគេព្យាយាមឈានដល់កិច្ចព្រមព្រៀងធំទូលាយជាងមុន ៕