នៅក្នុងការឯកសារដាក់ជូនទៅតុលាការចោទប្រកាន់ទម្លាក់តំណែងរបស់ព្រឹទ្ធសភា នាថ្ងៃសុក្រ (ទី២៧ ខែមិថុនា) នេះ រដ្ឋអាជ្ញាបានផ្ដល់ហេតុផលថា អនុប្រធានាធិបតីហ្វីលីពីន លោកស្រី Sara Duterte ត្រូវតែឡើងសវនាការ ហើយចុងក្រោយ ត្រូវបានកាត់ទោស ពាក់ព័ន្ធនឹងបទចោទប្រកាន់ធ្ងន់ធ្ងរ ក្នុងនោះរួមទាំងការគំរាមសម្លាប់ប្រធានាធិបតីផងដែរ។ ។

គួរបញ្ជាក់ថា លោកស្រី Duterte កំពុងប្រឈមនឹងការបញ្ចប់តួនាទី និងបម្រាមមិនឲ្យកាន់តំណែងនានាអស់មួយជីវិត ប្រសិនបើត្រូវបានផ្ដន្ទាទោស។ លោកស្រីបានបដិសេធមិនបានធ្វើខុស ហើយអះអាងថា ការចោទប្រកាន់លើរូបលោកស្រី គឺមានហេតុផលនយោបាយ និងកើតចេញពីជម្លោះ រវាងលោកស្រី និងលោកប្រធានាធិបតី Ferdinand Marcos Jr.។

រដ្ឋអាជ្ញាសភាជាន់ទាប បានលើកឡើងថា ទម្ងន់នៃភស្តុតាងប្រឆាំងនឹងលោកស្រី Duterte បង្ហាញអំពីភាពត្រឹមត្រូវនៃការមានដំណើរការកាត់ក្ដីពេញលេញ ដោយច្រានចោលការការអះអាងពីមេធាវីការពារក្តី ដែលថា ការចោទប្រកាន់លើលោកស្រី នៅក្នុងបណ្តឹងចោទប្រកាន់ទម្លាក់តំណែង គឺមិនមានភស្តុតាងច្បាស់លាស់។

ជាការឆ្លើយតបទៅនឹងក្រុមការពារក្ដីរបស់លោកស្រី Duterte រដ្ឋអាជ្ញាបានប្រាប់ថា៖ «ទម្ងន់នៃការចោទប្រកាន់ នាំឲ្យមិនមានចន្លោះគេចផុតពីលក្ខខន្តិករបស់ច្បាប់បានទេ។ ការកាត់ក្តីមិនត្រឹមតែជារឿងត្រឹមត្រូវប៉ុណ្ណោះទេ ប៉ុន្តែថែមទាំងចាំបាច់ផងដែរ ដើម្បីលើកកម្ពស់យុត្តិធម៌ ប្រកាន់ខ្ជាប់នូវគោលការណ៍ប្រជាធិបតេយ្យ និងធានាថា គ្មាននរណាម្នាក់ អាចឈរនៅពីលើច្បាប់បានឡើយ»៕