អ្នករក្សាសន្តិភាពជាន់ខ្ពស់របស់UN បានព្រមានកាលពីថ្ងៃព្រហស្បតិ៍ថា អនាគតនៃសេចក្តីសម្រេចលេខ ១៧០១ របស់ ក្រុមប្រឹក្សាសន្តិសុខអង្គការសហប្រជាជាតិលេខ ដែលគ្រប់គ្រងបទឈប់បាញ់ និងក្របខ័ណ្ឌរក្សាសន្តិភាពរវាងលីបង់ និងអ៊ីស្រាអែល នឹងមានហានិភ័យ ប្រសិនបើគ្មានវត្តមានបន្តនៃកងកម្លាំងបណ្តោះអាសន្នរបស់អង្គការសហប្រជាជាតិនៅក្នុងប្រទេសលីបង់ (UNIFIL)។ 

លោក Jean Pierre Lacroix ប្រធានប្រតិបត្តិការរក្សាសន្តិភាពរបស់អង្គការនេះ បានសម្តែងការព្រួយបារម្ភជាពន់ពេក ក្នុងអំឡុងពេលសន្និសីទសារព័ត៌មាន បន្ទាប់ពីធ្វើដំណើរទៅប្រទេសលីបង់ និងស៊ីរី។ លោក បានថ្លែងប្រាប់សារព័ត៌មាន Arab News ថា លោកនឹងមាន «ការព្រួយបារម្ភយ៉ាងខ្លាំង» អំពីអនាគតនៃសេចក្តីសម្រេចនេះ ប្រសិនបើ UNIFIL ត្រូវបានដកចេញនោះ។

លោកបាននិយាយថា៖«UNIFIL មិនមែនជាអ្នកបញ្ចប់ដោយខ្លួនឯងទេ ហើយ UNIFIL មិនមែនធ្វើអ្វីមួយដែលស្រេចលើខ្លួនឯងនោះដែរ។ «កងកម្លាំងនេះ គឺជាឧបករណ៍សម្រាប់គាំទ្រដល់ការអនុវត្តសេចក្តីសម្រេចលេខ ១៧០១ ដូច្នេះទាំងពីរនេះ ត្រូវតែពាក់ព័ន្ធគ្នា ដោយពុំអាចបំបែកពីគ្នាបានទេ។

«ខ្ញុំនឹងព្រួយបារម្ភយ៉ាងខ្លាំងអំពីអនាគតនៃសេចក្តីសម្រេចលេខ ១៧០១ ប្រសិនបើមិនមាន UNIFIL នៅគាំទ្រដល់ការអនុវត្តសេចក្តីសម្រេចនេះ ជាក់ស្តែងនោះទេ»។