មន្ត្រីរដ្ឋាភិបាលក្នុងតំបន់ និងមន្ត្រីនគរបាល បានប្រាប់សារព័ត៌មាន AFPថា ការវាយប្រហារអត្តឃាតបានសម្លាប់ទាហាន ១៣ នាក់ និង របួស ២៩នាក់ ក្នុងនោះមានជនស៊ីវិល នៅភាគពាយ័ព្យប្រទេសប៉ាគីស្ថាន នៅថ្ងៃសៅរ៍នេះ។  

មន្ត្រីរដ្ឋាភិបាលក្នុងតំបន់ម្នាក់ នៅស្រុក Waziristan ខាងជើងនៃខេត្ត Khyber Pakhtunkhwa ដែលសុំមិនបញ្ចេញឈ្មោះ បាននិយាយថា៖« អ្នកបំផ្ទុះគ្រាប់បែកអត្តឃាត បានបើករថយន្តផ្ទុកគ្រឿងផ្ទុះ ចូលទៅក្នុងក្បួនរថយន្តយោធា។ ការបំផ្ទុះនេះ បានសម្លាប់ទាហាន ១៣នាក់ របួសបុគ្គលិកយោធា ១០នាក់ និងជនស៊ីវិល ១៩នាក់។

មន្ត្រីនគរបាលម្នាក់ដែលឈរជើងនៅក្នុងស្រុកនេះ បានប្រាប់សារព័ត៌មាន AFP ថា៖«ការបំផ្ទុះគ្រាប់បែកអត្តឃាតនេះ ក៏បានបណ្តាលឲ្យដំបូលផ្ទះចំនួនពីរដួលរលំផងដែរ ដោយបង្កឲ្យកុមារចំនួន ៦នាក់ រងរបួស»។