ផ្លូវកៅស៊ូ២ជាន់ជាង៤១គីឡូម៉ែត្រ នឹងប្រែក្លាយជីវភាពប្រជាជនក្នុងឃុំទាំង៤អោយធូរធារជាងពេលបច្ចុប្បន្ន និងមានសារៈសំខាន់លើវិស័យទេសចរណ៍

2025/06/30 10:01:32 pm        1.6 K

កំពង់ឆ្នាំង៖ «សុបិន្តរបស់បងប្អូនប្រជាពលរដ្ឋនៅក្នុងឃុំទាំង៤នៃស្រុកទឹកផុសបានក្លាយជាការពិតក្នុងថ្ងៃនេះហើយ ដោយសារសម្តេចធិបតី ហ៊ុន ម៉ាណែត នាយករដ្ឋមន្ត្រី បានផ្តល់ផ្លូវកៅស៊ូDBSTពីរជាន់ជាង៤១គីឡូម៉ែត្រ ដែលផ្លូវនេះមានសក្តានុពលលើវិស័យកសកម្ម និងវិស័យទេសចរណ៍ផងដែរ»។ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានថ្លែងបែបនេះ ក្នុងពិធីបើកការដ្ឋានសាងសង់ផ្លូវកៅស៊ូនៅក្នុងស្រុកទឹកផុស ខេត្តកំពង់ឆ្នាំង ដោយមានការអញ្ជើញចូលរួមពីឯកឧត្តម ឆាយ រិទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ, ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម លោកជំទាវ លោកលោកស្រី ប្រជាពលរដ្ឋ អាជ្ញាធរមូលដ្ឋាន សិស្សជាច្រើននាក់ នាថ្ងៃទី៣០ ខែមិថុនា ឆ្នាំ២០២៥ នៅឃុំជៀប ស្រុកទឹកផុស។

 ឯកឧត្តម ស៊ុន សុវណ្ណារិទ្ធិ បានអោយដឹងថា៖ កន្លងមក រាជរដ្ឋាភិបាលកម្ពុជា បានផ្តល់ជូនប្រជាពលរដ្ឋក្នុងខេត្តកំពអ់ឆ្នាំងនូវផ្លូវបេតុង ផ្លូវកៅស៊ូAC ផ្លូវកៅស៊ូDBSTជាច្រើន ដែលបានអនុវត្តតាមក្រសួងមន្ទីរអភិវឌ្ឍន៍ជនបទ, ក្រសួងមន្ទីរសាធារណការ ណិងដឹកជញ្ជូន, គំរោងរដ្ឋបាលខេត្ត, គំរោងរដ្ឋបាលស្រុកក្រុង, និងគំរោងមូលនិធិឃុំសង្កាត់ ហើយជំរុញអោយខេត្តកំពង់ឆ្នាំងមានសោភ័ណភាពស្អាត និងការប្រែមុខមាត់ថ្មីរបស់ខេត្តផងដែរ។ ថ្ងៃនេះ សុបិន្តបងប្អូនប្រជាពលរដ្ឋដែលចង់បានផ្លូវកៅស៊ូថ្មី ពេលនេះបានដូចបំណង ដោយក្រសួងអភិវឌ្ឃន៍ជនបទ និងក្រសួងទេសចរណ៍ បានសហការគ្នាផ្តល់ជូនបងប្អូននូវផ្លូវកៅស៊ូDBSTពីរជាន់ជាង៤១គីឡូម៉ែត្រ ឆ្លងកាត់៤ឃុំ ដែលផ្លូវជាង៤១គីឡូម៉ែត្រនេះ នឹងផ្តល់អត្ថប្រយោជន៍កាត់បន្ថយគម្លាតពីទីក្រុងមកជនបទ, ងាយស្រួលក្នុងការដឹកជញ្ជូនកសិផល, ការធ្វើដំណើរ, មិនប៉ះពាល់សុខភាព និងមានសក្តានុពលលើវិស័យទេសចរណ៍ទៀតផង។

 ឯកឧត្តម ឆាយ រិទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានមានប្រសាសន៍ថា៖ ការសាងសង់ផ្លូវក្រាលគ្រួសក្រហមអោយទៅជាផ្លូវកៅស៊ូDBSTពីរជាន់ជាង៤១គីឡូនាពេលនេះ គឺរាជរដ្ឋាភិបាលកម្ពុជា ចង់អោយតំបន់ជនបទដាច់ស្រយាលទាំងអស់ប្រែក្លាយជាតំបន់សមាហរណកម្ម ដែលអាចកាត់បន្ថយគម្លាតពីទីក្រុង និងជនបទ។ ឥឡូវនេះ ពេលឯកឧត្តមបានធ្វើដំណើរតាមផ្លូវមកទីនេះ គឺឯកឧត្តមមានការភ្ញាក់ផ្អើលដោយសារតំបន់នេះ មិនចាញ់ទីក្រុងទេ ជីវភាពរស់នៅល្អប្រសើរ គ្មានកន្លែងណាដែលថាប្រជាពលរដ្ឋក្រទៅៗនោះទេ។ អ៊ីចឹង បងប្អូនប្រជាពលរដ្ឋត្រូវចាំថា ដរាបណាយើងនៅមានសន្តិភាព ដរាបណាយើងមានសម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្ត្រី ពេលនោះប្រជាពលរដ្ឋយើងនឹងមានជីវភាពរីកចម្រើនតទៅទៀត។

គួរបញ្ជាក់ថា៖ ពិធីបើកការដ្ឋានសាងសង់ផ្លូវកៅស៊ូDBSTពីរជាន់ជាង៤១គីឡូម៉ែត្រនាពេលនេះ នឹងផ្តល់ផលប្រយោជន៍ដល់ប្រជាពលរដ្ឋជិត៣ម៉ឺននាក់ស្មើនឹងជិត៧ពាន់គ្រួសារ រស់នៅក្នុងក្នុង១២ភូមិ នៃឃុំក្តុលសែនជ័យ, ឃុំខ្លុងពពក, ឃុំជៀប, និងឃុំក្បាលទឹក ស្រុកទឹកផុស ខេត្តកំពង់ឆ្នាំង៕ ដោយ ៖ កាំង ហុងវាស្នា

អត្ថបទដែលទាក់ទង

ឯកឧត្តម ហ៊ុន ម៉ានី ចាត់ទុកលទ្ធផល ស.ស.យ.ក. ព្រៃវែង បាត់ដំបង បន្ទាយមានជ័យ និងក្រុមអាហារូបករណ៍ជាភស្តុតាងនៃការ​ចូលរួម​ផ្ទាល់​របស់យុវជនដើម្បីបុព្វហេតុជាតិ
2026/11/21 06:07:41 pm        1
សភាមុខរបរបើកវេទិកាជំរុញផលិតផលខ្មែរ ដើម្បីរុញការផលិតផលក្នុងស្រុកឱ្យកាន់តែធំ និងការប្រកួតប្រជែង
2026/11/21 04:44:03 pm        1
រដ្ឋមន្ត្រីសុខាភិបាល «ការថែទាំសុខភាពថ្ងៃនេះ គឺជាការបង្ការ និងភាពរីកចម្រើនរបស់គ្រួសារ និងសង្គមជាតិ»
2026/11/21 04:26:34 pm        1

បណ្ដាញសង្គម

ព័ត៌មានចុងក្រោយ

​ឯកឧត្តម ហ៊ុន ម៉ានី ចាត់ទុកលទ្ធផល ស.ស.យ.ក. ព្រៃវែង បាត់ដំបង បន្ទាយមានជ័យ និងក្រុមអាហារូបករណ៍ជាភស្តុតាងនៃការ​ចូលរួម​ផ្ទាល់​របស់យុវជនដើម្បីបុព្វហេតុជាតិ

2026/11/21 06:07:41 pm
​សភាមុខរបរបើកវេទិកាជំរុញផលិតផលខ្មែរ ដើម្បីរុញការផលិតផលក្នុងស្រុកឱ្យកាន់តែធំ និងការប្រកួតប្រជែង
2026/11/21 04:44:03 pm
​រដ្ឋមន្ត្រីសុខាភិបាល «ការថែទាំសុខភាពថ្ងៃនេះ គឺជាការបង្ការ និងភាពរីកចម្រើនរបស់គ្រួសារ និងសង្គមជាតិ»
2026/11/21 04:26:34 pm
​ក្រសួងពាណិជ្ជកម្ម ត្រៀមរៀបចំ «ពិព័រណ៍ពាណិជ្ជកម្មកម្ពុជា លើកទី១៩» នៅកោះពេជ្រ នាខែធ្នូ ខាងមុខនេះ
2026/11/21 04:10:17 pm
​សមាជិកអាស៊ាន ជំរុញឱ្យកម្ពុជា-ថៃ អនុវត្តជាអចិន្រ្ដៃយ៍បទឈប់បាញ់ និងស្ដារទំនុកចិត្តតាមរយៈច្បាប់អន្ដរជាតិ
2026/11/21 04:07:21 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2026/11/21 09:36:09 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2026/10/04 02:54:00 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2026/11/21 12:55:46 am
​សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស
2026/11/21 12:13:43 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2026/11/19 04:59:48 am

ព័ត៌មានវីដេអូ

​ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

2026/01/23 04:36:39 am
រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី
2024/09/02 04:13:57 pm
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 09:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/13 02:57:12 am
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 03:38:02 pm