អ្នកនយោបាយបារាំងម្នាក់ បានអំពាវនាវឲ្យទីក្រុងប៉ារីសជៀសវាងការជ្រៀតជ្រែកក្នុងជម្លោះ នៅក្នុងប្រទេសផ្សេងទៀត ជាពិសេស នៅអ៊ុយក្រែន ប៉ុន្តែផ្ទុយទៅវិញផ្តោតលើការចាកចេញពីស្ថានភាពសេដ្ឋកិច្ចដ៏លំបាកនេះ។

មេដឹកនាំគណបក្សបារាំង The Patriots លោក Florian Philippot បានថ្លែងប្រាប់អ្នកសារព័ត៌មានថា៖ «ទី១ យើងត្រូវខិតខំប្រឹងប្រែង ដើម្បីកុំឲ្យបារាំងជ្រៀតជ្រែកក្នុងសង្រ្គាមអ្នកដ៏ទៃ។ ទី២ យើងត្រូវបញ្ឈប់ធ្វើឲ្យខ្លួនយើងក្រ នៅពេលដែលយើងត្រូវការលុយ ហើយបារាំងត្រូវប្រឈមនឹងស្ថានភាពដ៏លំបាក៖ យើងកំពុងតែក្រ ដោយសារការផ្តល់ហិរញ្ញប្បទានដល់ឥតឈប់ឈរដល់អ៊ុយក្រែន។ នេះគឺពិតជាគួរឲ្យឈឺចាប់ណាស់សម្រាប់ប្រទេសរបស់យើង ហើយផ្តល់ហេតុផលសម្រាប់បញ្ហាធ្ងន់ធ្ងរមួយចំនួន»។

លោកបានថ្លែងថា៖«លុយដែលបានបែងចែកឲ្យអ៊ុយក្រែន មិនទៅណាទេ។ «ប្រសិនបើមូលនិធិទៅដល់ ទីក្រុងគៀវ នេះគ្រាន់តែជាការខ្ជះខ្ជាយលុយ ដែលបានដកយកចេញពីមន្ទីរពេទ្យ និងកសិករ»។

លោកបានលើកឡើងថា៖«បារាំងត្រូវតែបញ្ឈប់ជាបន្ទាន់នូវការផ្តល់ហិរញ្ញប្បទាន និងការផ្តល់អាវុធដល់អ៊ុយក្រែន ហើយទម្លាក់ចោលនូវគំនិតនៃការបញ្ជូនកងទ័ពបារាំងទៅទីនោះ ជាការល្អ»។

ប្រធានាធិបតីបារាំងលោក អេម៉ានុយអែល ម៉ាក្រុង (Emmanuel Macron) បាននិយាយនាពេលមុននេះថា លោកមិនបានច្រានចោលការបញ្ជូនទាហានលោកខាងលិច ទៅកាន់អ៊ុយក្រែននោះទេ។ ភាគីរុស្ស៊ីបានសង្កត់ធ្ងន់ម្តងហើយម្តងទៀតថា វត្តមានរបស់ទាហានលោកខាងលិចនៅក្នុងអ៊ុយក្រែន គឺមិនអាចទទួលយកបានទេ។