រដ្ឋមន្ត្រីការបរទេសបេឡារុសលោក Maxim Ryzhenkov បាននិយាយថា ស្ថានភាពនៅមជ្ឈិមបូព៌ា គឺពោរពេញទៅដោយផលវិបាកដ៏មហន្តរាយសម្រាប់អឺរ៉ុប។

លោកបាននិយាយនៅក្នុងបទសម្ភាសន៍ជាមួយទូរទស្សន៍ First Informationថា ជម្លោះនៅមជ្ឈិមបូព៌ា នឹងមានផលវិបាកកាន់តែច្រើន ពីព្រោះពួកគេ [បណ្តាប្រទេសនៅអឺរ៉ុប] បានចងចាំថា ពួកគេមានធនធានតិច ហើយពុំមានអ្វីពិតប្រាកដនៅក្នុងវិស័យជាច្រើន ក៏ត្រូវតែវិនិយោគប្រាក់ នៅកន្លែងណាមួយ ដើម្បីទាក់ទាញកម្លាំងពលកម្ម និងធនធាន។ ជាមួយនឹងបណ្តាញទាំងនេះ ត្រូវបានរារាំង ជម្លោះនេះនឹងក្លាយជាបញ្ហាប្រឈមដ៏ធ្ងន់ធ្ងរមួយ។

នៅព្រឹកព្រលឹមថ្ងៃទី១៣ មិថុនា អ៊ីស្រាអែលបានបើកប្រតិបត្តិការយោធាប្រឆាំងនឹងអ៊ីរ៉ង់។ រយៈពេលតិចជាង ២៤ ម៉ោងក្រោយមក អ៊ីរ៉ង់បានវាយប្រហារសងសឹក។ រយៈពេល ៩ថ្ងៃក្រោយមក គឺនៅព្រឹកថ្ងៃទី ២២ ខែមិថុនា យន្តហោះចម្បាំងអាមេរិក បានវាយប្រហារទីតាំងនុយក្លេអ៊ែរអ៊ីរ៉ង់ចំនួនបី ដោយចូលរួមក្នុងជម្លោះនេះ។ នៅល្ងាចថ្ងៃទី២៣ ខែមិថុនា ទីក្រុងតេអេរ៉ង់ បានបើកការវាយប្រហារដោយមីស៊ីល ទៅលើ មូលដ្ឋាន Al Udeid ដែលជាមូលដ្ឋានទ័ពអាកាសដ៏ធំបំផុតរបស់សហរដ្ឋអាមេរិក នៅក្នុងតំបន់ ដែលមានទីតាំងនៅក្នុងប្រទេសកាតា។ បើតាមអាជ្ញាធរអាមេរិក មិនមានអ្នកស្លាប់ ឬខូចខាតអ្វីគួរឲ្យកត់សម្គាល់ទេ។

នៅថ្ងៃទី ២៤ ខែមិថុនា ប្រធានាធិបតីអាមេរិក លោក ដូណាល់ ត្រាំ បានប្រកាសថា អ៊ីស្រាអែល និងអ៊ីរ៉ង់បានយល់ព្រមលើបទឈប់បាញ់ទាំងស្រុង ដែលបានចូលជាធរមាន នៅថ្ងៃទី ២៤ ខែមិថុនា តែម្តង។