ភ្នំពេញ៖ គិតរហូតដល់ថ្ងៃទី៣០ ខែមិថុនា ឆ្នាំ២០២៥នេះ ក្រសួងបរិស្ថាន បានចែកកូនឈើសរុបចំនួន ៧១១ ៨៣៩ ដើម ក្នុងនោះកូនត្នោតចំនួន ១៧៧ ១០៩ ដើម កូនឈើព្រៃ ៤៩២ ២២៩ ដើម និងកូនឈើហូបផ្លែចំនួន ៤២ ៥០១ ដើម។ 

ដោយឡែកក្នុងថ្ងៃទី៣០ ខែមិថុនា ឆ្នាំ២០២៥នេះ ក្រសួងបរិស្ថានបានចែកកូនឈើសរុបចំនួន ៦១ ៣៤២ ដើម ដែលបានធ្វើឡើងតាមរយៈ៖

មន្ទីរបរិស្ថានខេត្ត កោះកុង៖ បានចែកកូនឈើព្រៃសរុបចំនួន ៥៨ ៦២០ដើម ក្នុងនោះ ៖  បានផ្តល់ជូនលោក ជូ សិរិយា ចំនួន ៣០០ដើម ,ជូនលោក សៀង សារិន ចំនួន ១០០ដើម,ជូនលោក ង៉ែត ឡឹង ចំនួន ២២០ ដើម ,ជូនលោក ទុយ វែង ចំនួន ៥ ០០០ ដើម,ជូនលោក អន ដែង (សហគមន៍អណ្ដូងទឹក) ចំនួន ៣០ ០០០ដើម,ជូនលោក សៀក សាប៊ុន (សហគមន៍ពាមក្រសោប) ចំនួន ២០ ០០០ដើមនិងបានជូនលោក ភោ កុសល (សហគមន៍ព្រែកត្នោត) ចំនួន ១ ០០០ ដើម។

មន្ទីរបរិស្ថានខេត្ត កំពង់ធំ៖ បានចែក និងដាំកូនឈើសរុបចំនួន ៨៣២ ដើម ក្នុងនោះ៖បានដាំកូនឈើព្រៃ ក្នុងសហគមន៍តំបន់ការពារធម្មជាតិបឹងទទឹល ចំនួន ៧៥ដើម កូនឈើហូបផ្លែចំនួន ៣៧២ដើម និងកូនត្នោតចំនួន ៧៥ដើម ។ មិនតែប៉ុនណ្ណោះមន្ទីរក៏បានដាំកូនឈើព្រៃ តាមមាត់ស្រះសហគមន៍ ស្ថិតក្នុងភូមិអណ្ដាស ចំនួន ២០ ដើម កូនឈើហូបផ្លែ ចំនួន ៨០ដើម និងកូនត្នោត ចំនួន ១៧០ដើម។

មន្ទីរបរិស្ថានខេត្ត កំពត៖ បានចែកកូនឈើសរុបចំនួន ៣៩០ ដើម ដោយក្នុងនោះ៖ បានចែក ជូនលោក ជ្រឹម ដារិន កូនឈើព្រៃ ចំនួន ១៨០ដើម និងកូនឈើហូបផ្លែ ចំនួន ១០ដើម (ដាំក្នុងបរិវេណសាលាអនុវិទ្យាល័យដំណាក់) និងបានចែកជូនលោកស្រី គឹម ស្រ៊ុនអ៊ីលីដា (ម្ចាស់រីសតកំពតកំសាន្ត) កូនឈើព្រៃ ចំនួន ២០០ដើម ។

មន្ទីរបរិស្ថានខេត្តត្បូងឃ្មុំ៖ បានចែក និងដាំកូនឈើសរុបចំនួន ៦៨០ ដើម ដោយក្នុងនោះ៖ បានដាំកូនឈើព្រៃតាមដងផ្លូវក្នុងភូមិទួលតាហោ ចំនួន ៦០០ដើម (ដឹកនាំដោយ ឯ.ឧ ង៉ូវ បូរីណា និងរដ្ឋបាលស្រុកអុររាំងឪ) និងបានចែកកូនឈើហូបផ្លែ ចំនួន ៤០ដើម និងកូនត្នោត ចំនួន ៤០ដើម ជូនលោក ទុយ សៀត ។

មន្ទីរបរិស្ថានខេត្តបន្ទាយមានជ័យ ៖ បានចែកកូនឈើសរុបចំនួន ៣២០ ដើម ដោយក្នុងនោះ៖ បានចែកកូនឈើព្រៃ ចំនួន ១៥០ដើម និងកូនឈើហូបផ្លែ ១៧០ដើម ជូនលោក ភូង បញ្ញា (យកទៅដាំក្នុងសហគមន៍តំពន់ការពារធម្មជាតិភ្នំកូនខ្លែង)។

មន្ទីរបរិស្ថានខេត្តពោធិ៍សាត់ ៖ បានចែកកូនឈើព្រៃសរុបចំនួន ៦០០ ដើម ដោយក្នុងនោះ៖ បានចែកូនលោក ធាម សុផាត អភិបាលស្រុក ភ្នំក្រវាញ ចំនួន ៣០០ដើម និងបានចែកជូន លោក ពេជ្រ និល ក្រុមប្រឹក្សា ស្រុកវាវែង ចំនួន ៣០០ដើម ។

មន្ទីរបរិស្ថានខេត្តមណ្ឌលគិរី ៖ បានដាំកូនឈើព្រៃសរុបចំនួន ១ ៥០០ ដើម ដើម្បីស្ដារព្រៃរេចរឹលឡើងវិញក្នុងតំបន់អភិរក្ស ។

ចំណែកឯមន្ទីរបរិស្ថានខេត្តសៀមរាប ៖ បានចែកកូនឈើព្រៃសរុបចំនួន ៤០០ ដើម ដោយក្នុងនោះ៖ បានចែកជូន លោក ស៊ន់ កាន់ ចំនួន ២០០ដើម និងបានចែកជូនលោកស្រី ចាន់ ធី ចំនួន ២០០ដើម៕