ភ្នំពេញ៖ ក្រមាដែលមានប្រវែងដល់ទី១១៤៩,៨ម៉ែត្រ ត្បាញដោយប្រជាជនកម្ពុជា ដែល​បាន​ទទួល Guinness World Record កាលពី ថ្ងៃទី១ ខែកក្កដា ឆ្នាំ២០១៨ បានតាំង​បង្ហាញ​ជា​សាធារណៈ​នៅ​សារមន្ទីរជាតិកម្ពុជា។

នៅថ្ងៃទី១ ខែកក្កដា ឆ្នាំ ២០២៥នេះ ឯកឧត្តម ហ៊ុន ម៉ានី ឧបនាយករដ្ឋមន្រ្ដី រដ្ឋមន្រ្ដីក្រសួង​មុខងារ​សាធារណៈ និងជាប្រធានសហភាពសហព័ន្ធយុវជនកម្ពុជា ស.ស.យ.ក បានបញ្ជាក់ថា គ្រប់​សរសៃរទាំងអស់នៃក្រមា បានចារឹករឿងរ៉ាវទាំងអស់ដែលប្រជាជាតិខ្មែរបានហែលឆ្លងកាត់។ ក្រមា​នេះ នឹងនៅទីនេះ ដើម្បីប្រាប់យើងថា «ជឿថាខ្មែរធ្វើបាន»។

សូម​ជម្រាបថា ក្រមាខ្មែរដែលរៀបចំឡើងដោយ សហភាពសហព័ន្ធយុវជនកម្ពុជា តាម​រយៈ​ចលនា GOGO Cambodia ក្រោមប្រធានបទថា «ជឿថាខ្មែរអាចធ្វើបាន» ដែលរួមគ្នាត្បា​ញ​អស់​រយៈ​ពេល​ជាង ៥ខែ កន្លងមកនេះ ត្រូវបានប្រកាសជាប់ ជាឯតទគ្គកម្ម ជាក្រមាវែងជាង​គេ​នៅ​លើ​ពិភព​លោក WORLD GUINESS RECORD ។

កាលពីនៅថ្ងៃទី១ ខែកក្កដា ឆ្នាំ២០១៨នេះ ក្រមាត្រូវបាន ពន្លាដោយមានការវាស់វែង ពីគណៈ កម្មការ​ឯកទគ្គកម្មពិភពលោក (Guinness World Records) យ៉ាងពិតប្រាកដ និងមាន​ការ​ចូលរួម​ពី​មហាជនយ៉ងច្រើនកុះករផងដែរ។ បន្ទាប់ពីការវាស់វែង និងពិនិត្យយ៉ាងល្អិត​ល្អន់​ហើយ​នោះ​គណៈកម្មការពិភពលោកមួយនេះបានសម្រេចឲ្យក្រមាខ្មែរ ជាប់ឯតទគ្គកម្ម ពិភពលោកជា​ក្រមា​វែង​ជាងគេ។

កម្មវិធីបំបែកឯតទគ្គកម្មក្រមាដែលវែងជាងគេលើពិភពលោក បានចាប់ដំណើរការពីថ្ងៃទី១៤ ខែកុម្ភៈ រហូត ដល់ថ្ងៃទី២៨ ខែមិថុនាឆ្នាំ២០១៨ ដោយកម្មវិធី ទទួល បានភ្ញៀវសរុប ៣៣៨, ០៥០នាក់ ដែល ក្នុងនោះមាន អ្នកចុះឈ្មោះ រៀនត្បាញ ចំនួន ២២,៣១៥ នាក់ និងអ្នក​ចូល​រួម​ត្បាញ​ក្រមា ១១៤៩ ម៉ែត្រ ៨តឹក ចំនួន១៩,៧៧១។ ប្រសិនបើយើងយកសរ សៃរ នីមួយៗ​នៃ​ក្រមា​នេះ​ប​ន្តគ្នា តែមួយសរសៃរប្រវែងប្រមាណ ២,៩១២,៦២៥ ម៉ែត្រ។

សូមបញ្ជាក់សហភាពសហព័ន្ធយុវជនកម្ពុជា តាមរយៈចលនា «GOGO Cambodia» ក្រោម​ប្រធាន​បទ​ថា«ជឿថាខ្មែរអាចធ្វើបាន»បានរៀបចំឲ្យមានការត្បាញក្រមាខ្មែរនៅវាលព្រះមេរុក្បែរ ព្រះបរមរាជវាំង តាំងពីថ្ងៃទី១៤ខែកុម្ភៈឆ្នាំ២០១៨មកម្ល៉េះ។