យោធាប្រទេសអ៊ីស្រាអែលកាលពីថ្ងៃចន្ទ ទី៣០ ខែមិថុនា បានទទួលស្គាល់ថា ជនស៊ីវិលប៉ាឡេស្ទីន ត្រូវបានគេធ្វើទុកបុកម្នេញនៅឯមជ្ឈមណ្ឌលចែកចាយជំនួយនៅតំបន់ហ្កាហ្សាស្ទ្រីប។

ចាប់តាំងពីអ៊ីស្រាអែល បានដកចេញការបិទផ្លូវជំនួយរយៈពេល១១សប្តាហ៍នៅតំបន់ហ្កាហ្សានៅថ្ងៃទី១៩ ខែឧសភា គឺអនុញ្ញាតឱ្យមានតែការដឹកជញ្ជូនរបស់អង្គការសហប្រជាជាតិដែលត្រូវបានកំណត់ឲ្យបន្ត ដោយអង្គការសហប្រជាជាតិបាននិយាយថាពលរដ្ឋប៉ាឡេស្ទីនជាង៤០០នាក់ ត្រូវបានសម្លាប់ ក្នុងពេល កំពុងស្វែងរកជំនួយ។

អ្នកនាំពាក្យយោធាអ៊ីស្រាអែល បាននិយាយនៅក្នុងសេចក្តីថ្លែងការណ៍ថា «បន្ទាប់ពីឧប្បត្តិហេតុ បង្កគ្រោះថ្នាក់ដល់ជនស៊ីវិលដែលបានទៅដល់កន្លែងចែកចាយជំនួយត្រូវបានរាយការណ៍ ការត្រួតពិនិត្យហ្មត់ចត់ត្រូវបានធ្វើឡើងនៅទីបញ្ជាការភាគខាងត្បូង ហើយការណែនាំត្រូវបានដាក់ចេញដល់កងកម្លាំងនៅក្នុងតំបន់នោះបន្ទាប់ពីបានជួបប្រទះបទពិសោធន៍បែបនេះ។

អ្នកនាំពាក្យពុំបានអត្ថាធិប្បាយភ្លាមៗលើរបាយការណ៍របស់សារព័ត៌មាន Times of Israel កាលពីថ្ងៃចន្ទ ដែលបានដកស្រង់សម្តីពីយោធាថា ការបាញ់ផ្លោងដោយកាំភ្លើងធំ គឺក្នុងគោលបំណងរារាំងប្រជាជនប៉ាឡេស្ទីនមិនឲ្យចូលទៅជិតតំបន់មួយចំនួននៅជិតមជ្ឈមណ្ឌលចែកចាយជំនួយ ដែលបានបណ្តាលឱ្យមានអ្នកស្លាប់ និងរងរបួស។

មន្ត្រីជាន់ខ្ពស់អង្គការសហប្រជាជាតិបាននិយាយថា ភាគច្រើននៃអ្នកស្លាប់ គឺក្នុងពេលពួកគេកំពុងព្យាយាមទៅដល់កន្លែងចែកចាយជំនួយររបស់មូលនិធិមនុស្សធម៌ហ្កាហ្សាគាំទ្រដោយសហរដ្ឋអាមេរិក។