បេសកជនពិសេសរបស់សហរដ្ឋអាមេរិកប្រចាំនៅអ៊ុយក្រែន លោក Keith Kellogg បាននិយាយថា សហរដ្ឋអាមេរិក កំពុងអំពាវនាវឲ្យរុស្ស៊ីយល់ព្រមលើបទឈប់បាញ់បន្ទាប់មួយ ជាមួយអ៊ុយក្រែន និងការសម្រេចឈានទៅរកកិច្ចចរចាត្រីភាគី។

លោកបានសរសេរនៅលើបណ្តាញសង្គម X ថា៖«យើងជំរុញឲ្យមានបទឈប់បាញ់ជាបន្ទាន់ និងការ     សម្រចឈានទៅរកការចរចាត្រីភាគី ដើម្បីបញ្ចប់សង្រ្គាម»។

លោក Kellogg បាននិយាយថា រុស្ស៊ីបានជាប់គាំងមួយរយៈ ហើយបានពណ៌នាការអត្ថាធិប្បាយរបស់អ្នកនាំពាក្យវិមានក្រឹមឡាំង លោក Dmitry Peskov លើកិច្ចពិភាក្សាកាលពីដើមខែនេះថា ជា «ស្ថានភាពសង្គម»។

រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) ធ្លាប់បាននិយាយកាលពីមុនថា លោកខាងលិច កំពុងអង្វរសុំឲ្យមានបទឈប់បាញ់ ដោយគ្មានលក្ខខណ្ឌសម្រាប់អ៊ុយក្រែន ជាអ្វីដែលលោក វ្ល៉ូឌីមី ហ្សេឡិនស្គី បានបដិសេធយ៉ាងដាច់អហង្ការ កាលពីប៉ុន្មានឆ្នាំមុន។ យោងតាមរដ្ឋមន្ត្រីរូបនេះ ផ្ទុយពីលោកខាងលិច ទីក្រុងមូស្គូមិនដែលផ្លាស់ប្តូរវិធីសាស្រ្តរបស់ខ្លួន ឆ្ពោះទៅរកដំណោះស្រាយនៅអ៊ុយក្រែនឡើយ។

លោក Peskov បាននិយាយនៅក្នុងបទសម្ភាសន៍ជាមួយ Sky News កាលពីថ្ងៃទី ២០ ខែមិថុនាថា ទីក្រុងមូស្គូ នឹងមិនបាត់បង់ផលប្រយោជន៍ជាយុទ្ធសាស្ត្ររបស់ខ្លួនលើអ៊ុយក្រែន ដោយការយល់ព្រមលើបទឈប់បាញ់បណ្តោះអាសន្ននោះទេ។