លោក Majed Bamya ដែលជាអ្នកសង្កេតការណ៍អចិន្ត្រៃយ៍នៃរដ្ឋប៉ាឡេស្ទីនប្រចាំអង្គការសហប្រជាជាតិបាននិយាយថា អ៊ីស្រាអែលកំពុងស្វែងរកការធ្វើឲ្យខូចដល់កិច្ចខិតខំប្រឹងប្រែង ឆ្ពោះទៅរកការស្ដារតំបន់ហ្កាហ្សាឡើងវិញ។

ទូរទស្សន៍ Al Jazeera បានដកស្រង់សម្តីលោក ដែលបានថ្លែងនៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពនៅមជ្ឈិមបូព៌ាថា៖«អ៊ីស្រាអែលកំពុងធ្វើឲ្យខូចដល់កិច្ចខិតខំប្រឹងប្រែងទាំងអស់ ដើម្បីស្ដារឡើងវិញនូវតំបន់ហ្កាហ្សាស្ទ្រីប ដោយបំផ្លាញវាជាប្រព័ន្ធ។ អ៊ីស្រាអែល កំពុងរារាំងរាល់កិច្ចខិតខំប្រឹងប្រែងឆ្ពោះទៅរកសន្តិភាព ហើយមិនមានហេតុផលណាមួយចំពោះអ្វីដែលខ្លួនកំពុងធ្វើនៅក្នុងតំបន់ហ្កាហ្សាទេ។ ការប្រល័យពូជសាសន៍នៅហ្កាហ្សា នៅតែបន្ត ទោះបីជាមានសាមគ្គីភាពអន្តរជាតិ ជាមួយប៉ាឡេស្ទីនក៏ដោយ។ អ៊ីស្រាអែលកំពុងរារាំងការដឹកជញ្ជូនជំនួយមនុស្សធម៌ ទៅកាន់តំបន់ហ្កាហ្សា»។ 

លោកបានសង្កត់ធ្ងន់ថា៖«អ៊ីស្រាអែលត្រូវតែទទួលខុសត្រូវចំពោះឧក្រិដ្ឋកម្មរបស់ខ្លួនប្រឆាំងនឹងប្រជាជនប៉ាឡេស្ទីន» ដោយបន្ថែមថា អាជ្ញាធរប៉ាឡេស្ទីនថ្កោលទោសយ៉ាអហង្ការចំពោះការវាយប្រហាររបស់អ៊ីស្រាអែល លើបុគ្គលិកមនុស្សធម៌នៅតំបន់ហ្កាហ្សាស្ទ្រីប។