មនុស្សយ៉ាងហោច ៤០នាក់ ត្រូវបានគេបញ្ជាក់ថា ស្លាប់ក្រោយហេតុការណ៍ផ្ទុះដ៏ខ្លាំងក្លាមួយបង្កជាអគ្គិភ័យនៅរោងចក្រផលិតឱសថ ស្ថិតក្នុងរដ្ឋភាគខាងត្បូង Telangana ប្រទេសឥណ្ឌា ខណៈមនុស្សរាប់សិបនាក់ផ្សេងទៀត រងរបួស ។ ភាគច្រើននៃអ្នកស្លាប់ គឺជាកម្មករចំណាកស្រុក ។

លោក Telangana Damodar Raja Narasimha គឺជារដ្ឋមន្រ្តីក្រសួងសុខាភិបាលរដ្ឋ Telangana និយាយនៅថ្ងៃអង្គារនេះថា ស្ថានភាពរបស់សាកសពបែបនេះ ពួកយើងត្រូវតែបញ្ជូនក្រុមគ្រូពេទ្យជំនាញឲ្យទៅធ្វើតេស្ត DNA ។

គណៈគ្រប់គ្រងរដ្ឋាភិបាល ត្រូវបានបង្កើតឡើងដើម្បីស៊ើបអង្កេតលើមូលហេតុបណ្តាលឲ្យគ្រោះមហន្តរាយនេះកើតឡើង ។

ហេតុការណ៍ដែលបានផ្ទុះឡើងកាលពីរសៀលថ្ងៃចន្ទ នៅរោងចក្រគ្រប់គ្រងដោយក្រុមហ៊ុនឧស្សាហកម្ម Sigachi បានកើតឡើងនៅផ្នែកម៉ាស៊ីនសម្ងួតរបស់រោងចក្រ គឺជាផ្នែកមួយប្រើប្រាស់ដើម្បីបំប្លែងវត្ថុធាតុដើមទៅជាម៉្សៅសម្រាប់ការផលិតឱសថ ។ រោងចក្រនេះស្ថិតនៅចម្ងាយប្រហែល ៥០គ.មពីទីក្រុង Hyderabad ដែលជារដ្ឋធានីរបស់រដ្ឋ Telangana ៕