ប្រទេសក្រិកបានដាកចេញថ្លៃសេវា២០អឺរ៉ូ ឬ២៣ដុល្លារ លើភ្ញៀវទេសចរដែលទៅដល់កោះ Santorini ដោយនាវាទេសចរណ៍កាលពីថ្ងៃអង្គារ ដើម្បីព្យាយាមគ្រប់គ្រងផ្នែកទេសចរណ៍ច្រើនលើសលប់ និងប្រមូលប្រាក់ចំណូលដើម្បីធ្វើឱ្យប្រសើរឡើងនូវហេដ្ឋារចនាសម្ព័ន្ធរបស់កោះនេះ។ កោះភ្នំភ្លើងនៅសមុទ្រ អេហ្សេមួយនេះ បានទាក់ទាញភ្ញៀវទេសចរប្រហែល២លាននាក់ក្នុងមួយឆ្នាំ ប៉ុន្តែដោយមានចំនួនប្រជាជនប្រហែល១៥.០០០នាក់ កំពង់ផែសំខាន់តែមួយនិងការកើនឡើងការព្រួយបារម្ភអំពីសកម្មភាពរញ្ជួយដី រដ្ឋាភិបាលបានព្យាយាមកាត់បន្ថយផលប៉ះពាល់លើវិស័យទេសចរណ៍។

ការដាក់ចេញថ្លៃសេវានេះ ធ្វើឡើងបន្ទាប់ពីមានការប្រែប្រួលនៅក្នុងតំបន់ផ្សេងៗទៀតនៃទ្វីបអឺរ៉ុប ដែលអ្នកស្រុកមានការខឹងសម្បារចំពោះថ្លៃជួលកើនឡើងសម្រាប់អ្នកទេសចរ និងធ្វើឲ្យធនធានចុះខ្សោយ។ អាជ្ញាធរប្រទេសក្រិក នឹងចាប់ផ្តើមប្រមូលថ្លៃចូល២០អឺរ៉ូសម្រាប់អ្នកដំណើរម្នាក់នៅថ្ងៃទី២១ ខែកក្កដា។ ជាទូទៅ ថ្លៃសេវាមានចំនួន១២អឺរ៉ូក្នុងខែតុលា ហើយទម្លាក់មកត្រឹម៤អឺរ៉ូ ចាប់ពីខែវិច្ឆិកាដល់ខែមីនា ដោយកើនឡើងម្តងទៀតដល់១២អឺរ៉ូ ចាប់ពីខែមេសា ដល់ខែឧសភា។

អ្នកទេសចរមកពីប្រទេសកាណាដាម្នាក់បាននិយាយថា «ខ្ញុំគិតថា២០អឺរ៉ូ នឹងមិនធ្វើឱ្យមានភាពខុសគ្នាថាតើអ្នកទេសចរសម្រេចចិត្តទៅលេងឬអត់នោះទេ»។ ម្ចាស់ហាងម្នាក់ បាននិយាយថា «គ្មាននរណាម្នាក់នឹងមានភាពកំណាញ់ក្នុងការបង់ប្រាក់២០អឺរ៉ូដើម្បីបានទៅដល់គោលដៅបែបនេះទេ»។

ទោះជាយ៉ាងណា ប្រតិបត្តិករនាវាទេសចរណ៍និយាយថា ការយកពន្ធនេះមិនយុត្តិធម៌ទេ។ ប្រធានផ្នែកប្រតិបត្តិការដែលរៀបចំដំណើរកម្សាន្តទៅកាន់កោះប្រទេសក្រិក បាននិយាយថា ខ្លួនកំណត់គោលដៅសម្រាប់តែអ្នកជិះទូកកម្សាន្តប៉ុណ្ណោះ ហើយការប្រមូលពន្ធបែបនេះនឹងមិនជួយដល់វិស័យទេសចរណ៍ហួសកម្រិតនេះទេ»។