បាល់ទាត់៖ កីឡាករបាល់ទាត់ដែលជាប់ជំរើសជាតិចិនទាំងអស់ ត្រូវបានហាមឃាត់មិនឱ្យមានស្នាមសាក់លើខ្លួនឡើយ ហើយអ្នកដែលបានសាក់រួចហើយត្រូវបានណែនាំឱ្យលុបចេញ។ ស្ថាប័នគ្រប់គ្រងកីឡារបស់ប្រទេសចិនបានឱ្យដឹងថា ការជ្រើសរើសកីឡាករថ្មីដែលមានស្នាមសាក់នៅថ្នាក់ជាតិ និងសម្រាប់ក្រុមយុវជនគឺត្រូវបានហាមឃាត់យ៉ាងតឹងរ៉ឹង ដោយវិធានការនេះនឹងជួយធ្វើជាគំរូល្អសម្រាប់សង្គម។
តារាបាល់ទាត់ជំរើសជាតិមួយចំនួនរួមទាំងខ្សែការពារ Zhang Linpeng ពីមុនត្រូវបានប្រាប់ឱ្យបិទបាំងស្នាមសាក់របស់ពួកគេផងដែរ។ ប្រទេសចិនបាននឹងកំពុងបង្កើនបទប្បញ្ញត្តិចាប់តាំងពីពាក់កណ្តាលឆ្នាំ២០១៨ ដើម្បីបញ្ឈប់ការចាក់សាក់ដែលត្រូវបង្ហាញលើកញ្ចក់ទូរទស្សន៍ រឺប្រពន្ធផ្សព្វផ្សាយផ្សេងៗ។ ចាប់តាំងពីពេលនោះមក កីឡាករបាល់ទាត់អាជីពមួយចំនួនបានពាក់អាវដៃវែង ដើម្បីលាក់សិល្បៈរាងកាយរបស់ពួកគេ។ នៅក្នុងវប្បធម៌ចិន ការមាក់ងាយត្រូវបានភ្ជាប់ទៅនឹងការចាក់សាក់។ កាលពីអតីតកាលពួកគេត្រូវបានគេប្រើដើម្បីដាក់ស្លាកសញ្ញាឧក្រិដ្ឋជន ហើយស្នាមសាក់នៅតែមានទំនាក់ទំនងជាមួយក្រុមឧក្រិដ្ឋកម្ម ដែលបានរៀបចំនៅអាស៊ីខាងកើត។ ការចាក់សាក់ក្នុងចំណោមក្រុមជនជាតិភាគតិច ច្រើនតែត្រូវបានគេមើលឃើញថាជាសញ្ញាសម្គាល់នៃជនអសីលធម៌៕
អត្ថបទ៖នាង សុភាវុធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
