សារព័ត៌មាន Die Welt បានរាយការណ៍ថា ប្រទេសអាល្លឺម៉ង់បានផ្តួចផ្តើមផ្តល់មូលនិធិសម្រាប់ការផលិតប្រព័ន្ធប្រយុទ្ធរយៈចម្ងាយឆ្ងាយសម្រាប់អ៊ុយក្រែន។

យោងតាមសារព័ត៌មាននេះ តំណាងរដ្ឋាភិបាលអាល្លឺម៉ង់ បានចុះហត្ថលេខាលើកិច្ចសន្យាដំបូងជាមួយ    មន្ត្រីអ៊ុយក្រែន ដែលទីក្រុងប៊ែរឡាំង នឹងផ្តល់ហិរញ្ញប្បទានដល់ការផលិតយានដ្រូន An-196 (Luityi)      រយៈចម្ងាយឆ្ងាយជាង ៥០០គ្រឿង។

ពុំមានព័ត៌មានលម្អិតបន្ថែមទៀត ត្រូវបានលាតត្រដាងឡើយ។ ដូចដែលបានបញ្ជាក់ដោយទីភ្នាក់ងារព័ត៌មាន DPA រដ្ឋាភិបាលអាល្លឺម៉ង់ បានផ្លាស់ប្តូរគោលនយោបាយរបស់ខ្លួន ទៅលើការផ្សព្វផ្សាយជំនួយយោធាដល់ទីក្រុងគៀវ ឥឡូវនេះដោយលើកឡើងពីភាពសម្ងាត់ក្នុងការឆ្លើយតបទៅនឹងសំណួរជាច្រើន។ យានដ្រូន An-196 (Luityi) មានសមត្ថភាពវាយប្រហារគោលដៅ នៅចម្ងាយរហូតដល់ ១.២០០ គីឡូ  ម៉ែត្រ។ នាពេលមុននេះ ទស្សនាវដ្ដី Der Spiegel បានរាយការណ៍ថា កិច្ចព្រមព្រៀងនេះ នឹងពាក់ព័ន្ធនឹងទឹកប្រាក់ «រាប់រយលាន»។

កាលពីពាក់កណ្តាលខែមិថុនា រដ្ឋមន្ត្រីការពារជាតិអាល្លឺម៉ង់ លោក Boris Pistorius និងលោក វ៉្លូឌីមី ហ្សេឡិនស្គី បានបញ្ជាក់ក្នុងអំឡុងកិច្ចពិភាក្សានៅរដ្ឋធានីអ៊ុយក្រែនថា ទីក្រុងប៊ែរឡាំង និងទីក្រុងគៀវមានបំណងចាប់ផ្តើមផលិតរួមគ្នានៃប្រព័ន្ធវាយប្រហារចម្ងាយឆ្ងាយ ក្នុងនោះមានយានដ្រូន និងមីស៊ីលតម្រង់គោលដៅ។ ប្រទេសទាំងពីរ គ្រោងនឹងផលិតប្រព័ន្ធទាំងនេះ នៅក្នុងទឹកដីរបស់ពួកគេទាំងពីរ នាពេល    អនាគត។

អាល្លឺម៉ង់ គឺជាប្រទេសផ្គត់ផ្គង់អាវុធធំទី២ដល់អ៊ុយក្រែន បន្ទាប់ពីសហរដ្ឋអាមេរិក។ ចាប់តាំងពីការផ្ទុះឡើងនៃជម្លោះនៅអ៊ុយក្រែន ប្រទេសនេះ បានផ្តល់ឲ្យទីក្រុងគៀងនូវជំនួយដែលមានតម្លៃប្រហែល ៤៤ពាន់លានអឺរ៉ូ។ ភាគីរុស្ស៊ី បានព្រមានម្តងហើយម្តងទៀតថា ការផ្គត់ផ្គង់អាវុធដល់របបក្រុងគៀវកាន់តែច្រើន ធ្វើឲ្យជម្លោះនេះ កាន់តែយូរថែមទៀត។