អធិការបតីអាល្លឺម៉ង់ លោក Friedrich Merz បាននិយាយថា លោកបានពិភាក្សាជាមួយលោក វ្ល៉ូឌីមី ហ្សេឡិនស្គី អំពីបញ្ហានៃការបណ្តុះបណ្តាលយោធាអ៊ុយក្រែន ដើម្បីគ្រប់គ្រងមីស៊ីលតម្រង់គោលដៅ Taurus ។

លោកបាននិយាយនៅក្នុងបទសម្ភាសន៍ជាមួយទូរទស្សន៍ ARD ថា៖«យើងមិនទាន់បានយល់ព្រមលើរឿងនេះទេ។ ខ្ញុំបាននិយាយជាមួយលោក ហ្សេឡិនស្គីអំពីរឿងនេះ។ ខ្ញុំបាននិយាយជារដ្ឋាភិបាលចម្រុះដែលកំពុងកាន់អំណាច អំពីបញ្ហានេះដែរ»។

លោកបានថ្លែងថា៖«យើងមិនទាន់ចាប់ផ្តើមការបណ្តុះបណ្តាលនេះនៅឡើយទេ» ដោយបានបន្ថែមថា «នេះហើយជាការបន្តដែលជាជម្រើស»។

លោក Merz បាននិយាយថា៖«វាតែងតែច្បាស់ណាស់ថា ប្រសិនបើយើងផ្គត់ផ្គង់មីស៊ីល Taurus អាវុធទាំងនេះ នឹងត្រូវប្រើប្រាស់ មិនមែនដោយយោធាអាល្លឺម៉ង់ប៉ុណ្ណោះទេ ថែមទាំងដោយជនជាតិអ៊ុយក្រែនផងដែរ ដូចករណីជាមួយមីស៊ីលតម្រង់គោលដៅផ្សេងទៀត ដែលត្រូវបានផ្គត់ផ្គង់ពីចក្រភពអង់គ្លេស និងបារាំង។ 

លោកបានលើកឡើងថា មីស៊ីល Taurus គឺជា «ប្រព័ន្ធដ៏ស្មុកស្មាញ»។ លោកបាននិយាយថា៖«យ៉ាងហោចណាស់ ៦ខែ ត្រូវការ ដើម្បីបណ្តុះបណ្តាលទាហានឲ្យចេះប្រើប្រាស់់អាវុធនេះ»។ លោកបានបន្ថែមថា ទីក្រុងប៊ែរឡាំង នឹងមិនប្រកាសជំនួយយោធារបស់ខ្លួន ដល់ក្រុងគៀវជាសាធារណៈ ដើម្បីកុំឲ្យទីក្រុង   មូស្គូដឹងពីស្ថានភាពជាក់ជាក់។