បាល់ទាត់៖ ចុង​សប្តាហ៍​កន្លងទៅនេះ​ជើង​រង​លី​គ​កំពូល​កម្ពុជា ព្រះខ័ន​រាជ​ស្វាយរៀងបានបង្ហាញ​កីឡាករ​ថ្មី​របស់ខ្លួន Takashi Odawara តំណែង​ខ្សែបម្រើត្រៀម​សម្រាប់​រដូវ​កាល​ថ្មី ២០២២ ដែល​នឹង​ចូលមក​ដល់​នៅពេល​ខាងមុខ​។ ​វត្តមាន​របស់​កីឡាករ​វ័យ ​២៩​ឆ្នាំ​រូបនេះ​កើតឡើង​បន្ទាប់ពី​ការមកដល់​របស់​កីឡាករ​ជប៉ុន​មួយទៀត​គឺ Mizuno Hikaru មកពី​បឹងកេត និង​កីឡាករ​កម្ពុជា ឡុង ភា​រ៉ាត់ ពី​អង្គ​រថា​យ​ហ្គឺ​រ និង​ការចាកចេញ​របស់ Privat ទៅកាន់​ក្លិប Bali United របស់​ឥណ្ឌូនេស៊ី​។​

Takashi Odawara ជា​កីឡាករ​សញ្ជាតិ​ជប៉ុន​ទី​៣​ របស់​ក្លិប​ព្រះខ័ន​រាជ​ស្វាយរៀងបន្ទាប់ Daisuke Kobayashi និង Hikaru​។​ Odawara ដែល​កើត​នៅ​ទីក្រុង​តូ​ក្យូប្រទេស​ជប៉ុន ផ្តើម​អាជីព​បាល់ទាត់​ដំបូងក្នុង​ក្រុមយុវជន​របស់​ក្លិប​សាកលវិទ្យាល័យ​កសិកម្ម​តូ​ក្យូ​ឆ្នាំ​២០១៤ មុន​ផ្ទេរ​ទៅលេង​នៅ​លី​គ​ហ្វីលីពីន​ជាមួយ​ក្លិប Marikana City ឆ្នាំ​២០១៥ ដល់​២០១៧, ក្លិប Davao Aguilas F.C. ២០១៨, ក្លិប United City (Ceres Negros ពីមុន​) ឆ្នាំ​២០១៩ ដល់​២០២០ និង​ក្លិប​លី​គប្រ​ទេស​ម៉ា​ល់​ឌី​វ Maziya​។​ Takashi Odawara នឹង​ពាក់អាវ​លេខ ៦១ នៅ​ក្លិប​ព្រះខ័ន​រាជ​ស្វាយរៀង​៕

អត្ថបទ៖ គង់ ហួន