ក្រុមអ្នកពន្លត់អគ្គិភ័យជាង៣០០នាក់ បានប្រយុទ្ធទប់ស្កាត់អណ្តាតភ្លើងចំហេះព្រៃដ៏ធំនៅក្នុងរដ្ឋកាលីហ្វ័រនីញ៉ា សហរដ្ឋអាមេរិកនារដូវក្តៅ ខណៈប្រធានាធិបតី លោក Donald Trump កំពុងរុះរើទីភ្នាក់ងារសហព័ន្ធដែលមានភារកិច្ចប្រយុទ្ធប្រឆាំងគ្រោះមហន្តរាយអាកាសធាតុ។

ចំហេះព្រៃ បានផ្ទុះឡើងនៅក្នុងក្រុង San Luis Obispo ជាតំបន់ជនបទមួយនៅចំកណ្តាលរដ្ឋរបស់សហរដ្ឋអាមេរិក។ មនុស្សប្រហែល២០០នាក់ត្រូវបានបញ្ជាឱ្យជម្លៀសខ្លួនចេញខណៈអគាររាប់សិបកន្លែងត្រូវបានគំរាមកំហែងដោយអណ្តាតភ្លើង។

វាគឺជាការឆេះរាលដាលធំបំផុតរហូតមកដល់ពេលនេះក្នុងឆ្នាំនេះនៅក្នុងរដ្ឋកាលីហ្វ័រនីញ៉ា ដែលធ្លាប់បានធ្វើឲ្យមានស្លាកស្នាមដោយចំហេះព្រៃ ឆេះបំផ្លាញនៅទីក្រុង Los Angeles កាលពីដើមឆ្នាំ។

ចំហេះព្រៃបានឆេះរាលដាលយ៉ាងឆាប់រហ័ស។ ក្នុងរយៈពេល២៤ម៉ោង អគ្គិភ័យបានបំផ្លាញផ្ទៃដីរាប់រយហិចតា។ 

អភិបាលរដ្ឋកាលីហ្វ័រនីញ៉ា លោក Gavin Newsom បាននិយាយនៅលើបណ្តាញ X ដោយប្រកាសពីការដាក់ពង្រាយកងកម្លាំងបន្ថែមថា «រដ្ឋ តែងតែការពារសហគមន៍ទាំងអស់ ទោះបីជាអគ្គិភ័យចាប់ផ្តើមនៅកន្លែងណាក៏ដោយ»។