លោកប្រធានាធិបតី Donald Trump សង្ឃឹមថា នឹងសម្រេចបានកិច្ចព្រមព្រៀងបទឈប់បាញ់នៅតំបន់ ហ្កាហ្សា នៅសប្តាហ៍ក្រោយ ខណៈដែលលោកធ្វើជាម្ចាស់ផ្ទះទទួលនាយករដ្ឋមន្ត្រីអ៊ីស្រាអែល Benjamin Netanyahu នៅសេតវិមាន ខណៈដែលក្រុមចរចារបស់លោក កំពុងកាត់បន្ថយគម្លាតរវាងក្រុមហាម៉ាស និងអ៊ីស្រាអែលលើកិច្ចព្រមព្រៀងមួយ ដើម្បីដោះលែងចំណាប់ថ្នូរ និងបញ្ចប់អរិភាព។

ជំនួបនៅការិយាល័យ Oval Office ជាមួយលោក Netanyahu កាលពីថ្ងៃចន្ទ បន្ទាប់ពីការសម្រេចចិត្តរបស់លោក Trump ក្នុងការវាយប្រហារទីតាំងនុយក្លេអ៊ែរអ៊ីរ៉ង់ ហើយបន្ទាប់មកបានសម្របសម្រួលបទឈប់បាញ់រវាងអ៊ីស្រាអែល និងអ៊ីរ៉ង់។ ប្រតិបត្តិការយោធា បានធ្វើឲ្យអ្នកគាំទ្ររបស់ប្រធានាធិបតីមានការបែកបាក់ ដោយអ្នកខ្លះមានអារម្មណ៍ក្បត់នឹងការសន្យារបស់លោក ដើម្បីជៀសវាងសង្គ្រាមថ្មី។

ការលើកឡើងទាំងនេះ បានឆ្លុះបញ្ចាំងពីការសង្ស័យយ៉ាងខ្លាំងអំពីកិច្ចព្រមព្រៀងបទឈប់បាញ់ដ៏មានសក្តានុពលរវាងអ៊ីស្រាអែល និងក្រុមហាម៉ាស ដែលលោកប្រធានាធិបតី Trump កំពុងព្យាយាមសម្របសម្រួល។ អ្នកអត្ថាធិប្បាយជាច្រើន បង្ហាញការមិនទុកចិត្តចំពោះចេតនារបស់លោក Netanyahu ដោយលើកឡើងថា លោកមិនបានប្តេជ្ញាចិត្តពិតប្រាកដចំពោះសន្តិភាព។

កិច្ចខិតខំប្រឹងប្រែង ដើម្បីឈានដល់បទឈប់បាញ់បណ្តោះអាសន្ន នៅក្នុងសង្រ្គាមហ្កាហ្សា ហាក់ដូចជាមានការរីកចម្រើន កាលពីថ្ងៃព្រហស្បតិ៍ ស្របពេលមានរបាយការណ៍ថា ក្រុមភេរវករហាម៉ាស អាចគាំទ្រសំណើនេះ ដែលរួមមានការដោះលែងចំណាប់ខ្មាំង ២៨នាក់ និងការចរចាស្តីពីការបញ្ចប់សង្រ្គាម ដែលបានកើតឡើង ចាប់តាំងពីខែតុលា ឆ្នាំ ២០២៣ ។